حالة من الهجوم الشديد، شنته الناقدة الفنية ماجدة خير الله، على أبطال مسلسل “سيب وأنا سيب”، من بطولة الفنان أحمد السعدني وهنا الزاهد، والذي يُعرض على أحد المنصات الإلكترونية في الفترة الحالية.
وقالت ماجدة، خلال مداخلة هاتفية مع الإعلامية نهال طايل، في برنامج “تفاصيل” المذاع عبر فضائية “صدى البلد 2”: “طول المسلسل شتايم والناس بتشتم كإنه نوع من خفة الدم والهزار، ولو الشتيمة دي هزار فين المخرج من الكلام ده”.
ناقدة فنية تفتح النار على هنا الزاهد وأحمد السعدني
وتابعت: “طول المسلسل كلام عن الحشيش وأنهم محششين تحت بند أن ده عمل كوميدي وده شيء غير مقبول على الإطلاق، وبتتحط تحت اسم الجرأة في العمل الدرامي، وده غير مقبول، يعني إيه تطلع واحد محشش ويشتم عادي”.
وأضافت: “مش عشان نعمل فكرة جريئة نقعد نشتم، ممكن واحد يُستفز من واحد يمسك إيد حبيبته مش لازم شتيمة”.
وأكملت: ” أداء هنا الزاهد في المسلسل نفس أدائها حينما تخرج في أي برنامج للحديث، ومازالت تحتاج ورش تمثيل أكبر، تستطيع من خلالها فهم الشخصية بشكل أكبر، وأبعاد الشخصية، وهي الأساسيات لأي فنان. ”
واختتمت: “ده منى ذكي اللي قبلها بـ 20 سنة ومن أهم ممثلي مصر، بتاخد ورش في أمريكا، ومفيش أي عيب في الموضوع الصراحة”.
اقرأ ايضا:
