من يتخيل إن قضية حسن شاكوش ومراته ريم طارق انتهت فهو مخطئ، نعم قد تبدو االأجواء أنها قدات قليلا ولكن توجد مفاجآت عديدة وتطورات في القضية حدثت السيوم سنكشف تفاصيلها من خلال التقرير التالي:
عامل شوشرة
محدش عارف إيه اللي يجبر واحد على إنه يتجوز وميقولش لمراته إنه متجوز غير لو وراه مصيبة، وهي تقرر توافق أو لأ لأن القانون أصلًا بيقول كده واللي عمله حسن شاكوش إنه مقالش لمراته إنه متجوز والمستندات مبتكدبش، وزي ما قالت وثيقة الجواز الرسمية لحسن شاكوش على مراته ريم طارق، إن اللي عملوه هما الاتنين فيه جناية تزوير في أوراق رسمية، يعني حسن شاكوش أخفى جوازه وبيانات الست اللي على ذمته “ر م ص”، واللي لسه مراته في أوراق كتب الكتاب الرسمية وده عكس الحقيقة، لإنه قدم أوراق غير الواقع.
المشكلة الأكبر بقى إن حسن شاكوش مش بس أنكر جوازة سابقة، ومضى وبصم إن مفيش في عصمته واحدة تانية لأ دي ريم طارق مراته الجديدة ارتكبت جناية تزوير إنها آنسة وبكر يعني المفروض لم يسبق لها الجواز، لحد ما اتفاجئا إن هي كانت متجوزة قبل كده وصورها مع جوزها الأولاني ظهرت وهو بنفسه كمان طلع في برامج وهاتك يا تقطيع وتنمر عليها، وتقريبًا هو السبب إن تحصل مشكلة بين حسن شاكوش ومراته والكل بيقول إن ده السبب اللي خلى حسن يطرد مراته بالهدوم اللي عليها ومخدتش حاجة من حقوقها لحد دلوقتي، كل ده اللي الناس عارفاه عادي بس في مفاجآت كتير جداً هنقولكم عليها.
تحركات النيابة
نيابة أكتوبر أول خدت قرار جديد بإنها تجيب المأذون اللي كتب كتاب حسن شاكوش على مراته ريم طارق عشان يكملوا التحقيقات لأن الاتنين متهمين بعض إنهم لهفوا فلوس من بعض وتزوير في قسيمة الجواز، الشخص اللي اتورط ده اسمه كامل مرزوق وده المأذون اللي فهد مرزوق دفاع ريم طارق طلب من النيابة تسمع أقواله عشان يعرفوا إزاي اتورط مع شاكوش في اللي حصل وإزاي أثبتوا إن ريم طارق “بكر رشيد” رغم إنها قدمت قسيمة طلاقها من جوزها اللي قبل حسن شاكوش عشان يديها للمأذون ويقول إنها “ثيب” يعني مش بكر ولا حاجة.
السر في الفلاشة
استنوا ده في مفاجأة تاني، فهد مرزوق دفاع مرات حسن شاكوش قدم لجهات التحقيق “فلاشة” فيها تسجيلات صوتية لحسن شاكوش بيتكلم فيها مع مراته وجوه الكلام هو عارف إنها مطلقة واتجوزت قبله، وده عكس اللي بيقوله حسن شاكوش أصلا ، وهول النيابة فرغت الفلاشة ولفت محادثة صوتية قال فيها شاكوش لريم: “أنا اخترتك من بين اخواتك رغم إنك مش بنت بنوت وعملتلك فرح متحلميش بيه”.
اتهامات مرات حسن شاكوش
وواضح إن دفاع مرات حسن شاكوش متمكن وعنده أدلة قوية بتثبت إن موقف مرات شاكوش سليم واتهم جوزها والمأذون بالتزوير في أوراق رسمية اللي هي “قسيمة الجواز”، وبعد ما النيابة سمعت أقوال ريم وجهت النيابة ليها تهمتين الإدلاء ببيانات كاذبة للمأذون وإنها لهفت نصف مليون جنيه وأخلت سبيلها بدون ضمان، بس ده بقى متوقف على اللي هيحصل بعد كده عشان النيابة هتستدعي حسن شاكوش وتسمع أقواله في البلاغ اللي متقدم منه ضد مراته بعد ما اتهمته إنه متورط مع المأذون في تزوير قسيمة جوازهم.
تفتكروا الموضوع هيكون فيه حبس والنيابة هتثبت التورط ده ولا هتلاقي سوء فهم في الموضوع وكل حاجة هتعدي ويمكن كمان حسن شاكوش يرجع لمراته والقصة تنتهي؟، اكتبولنا آرائكم في الكومنتات.
