أطلق أيمن سليم مؤلف مسلسل أزمة منتصف العمر تصريحات صادمة عن التصالح بين ريهام سعيد وريم البارودي.
قال عبر صفحته الرسمية علي الفيس بوك :”اتفرجت على حلقة الصلح بين ريم البارودى و ريهام سعيد ، و مع دخول رمضان طبعًا تسامحوا تحابوا و الصلح خير لكن أنا بالنسبة لي الصلح شر ، الصلح ده ممكن يكون بعد إختلاف فى وجهات النظر أو بسبب موقف معين زعلنا لكن اللى يأذي و توصل بيه إنه يرفع قضية و تهديد بالحبس و طلب تعويضات عمره ما هيتمنى الخير “.
وأضاف أيمن سليم :”الإيد اللى وجعت مستحيل تكون هى الإيد اللى بتطبطب .. صحيح الإخوات بتتخانق لكن لو وصلت بيهم للأذى و الشر خلاص ماينفعش يرجعوا إخوات تانى ، لو هُنت عليك مرة ههون ألف مرة و لو خوفتنى منك مستحيل أحس تانى بأمان من ناحيتك ، يمكن فى ناس عندها سلام نفسى و يقدروا يسامحوا اللى أذوهم لكن أنا عن نفسى لأ ، اللى ماقدَرش فرصة قربه منى يستحمل بعدى للأبد ، و الخناقات هى مجرد إشارات لكشف معادن البشر فلما تتخانق مع حد دى بتكون هدية مجانية علشان تعرفه على حقيقته “.
واختتم منشوره :”و عمومًا ربنا يهدى النفوس بين عبيده و يحنن قلوب الناس على بعض”.
