ما حدث يشبه انتهاء المصرحية وإسدال الستار، هذا ما حدث في قصة تامر حسني وبسمة بوسيل، هذه المرة الطلاق نهائي لا رجعة فيه، فماذا حدث ليصل الموضوع لهاذا الأمر؟ تابعونا لمعرفة التفاصيل:
الفنان تامر حسني خلاص رفع إيده عن قصة بسمة بوسيل وجوازه.. وبعد ما كان بيتمنى يعيش في ظل بيت وعيلة وأولاد وحياة مستقرة.. معرفش يحقق الأمنية الوحيدة اللي كان عايش عشانها
تامر حسني على قد ماهو مركز في شغله.. ومشاء الله عليه شعلة نشاط في الغناء والسينما وبيخرج وبينتج وناقص يمنتج أفلامه بنفسه “ده لو مبيعملهاش فعلا”.. إلا إن حياته الخاصة فلتت منه خالص.. وسايب الستات تدمرهاله
تامر من زمان وهو ضعيف شوية قدام الستات.. حتى بداية علاقته بالفنانة بسمة بوسيل نفسها كانت غريبة جدا.. واحدة بنت أصغر منه بسنين كتير.. قابلها في برنامج مواهب زي أي شباب متحمس.. قالتله بس إنها كانت بتقول إنها هتتجوزه.. وكاتبه ده في كشكول الغرام بتاعها.. الصنارة غمزت وقالك بس هي دي اللي بتحبني وهتبقى أم عيالي.. بركات الشيخة خديجة المغريبة
الغريبة بقى إن تامر حسني بجد عنده مشكلة مع المغاربة.. يعني بسمة بوسيل توقعه وتتجوزه وتخلف منه 3 عيال.. والبلوجر المغربية جليلة تقولك بحبه وبموت عليه.. وعارفة إنه هو كمان بيحبني.. بتقولها بتأكيد غريب.. وهو عمره ما علق على كلامها.. طب حتى يا نجم قولها أنا بحب مراتي أم عيالي ولا أي حاجة
تامر حسني بطبعه حنين حبيتن.. مبيحبش يكسف حد.. أي فنانة تطلع تقول إنه صديقها حبيبها أخوها.. متربيين مع بعض.. مبيعلقش.. بس للأسف بسمة بتغير.. بتغير جدا.. وفي اوقات كتير كان بيبقى رجلها على رجله لمجرد إنها تراقبه وتعرف بيروح فين وبيعمل ايه
وده عمل مشاكل كتير جدا ما بينهم.. وللأسف المرة دي مش أول مرة ينفصلوا.. وكل المقربين منهم بيقولوا إنها الطلقة التالتة.. يعني مفيهاش رجوع.. حاول تامر بكل الطرق يبعد عن الخطوة النهائية دي بس محاولاتها كلها فشلت
تامر وبسمة منفصلين فعلا من فترة.. وكل واحد فيهم كان قاعد في مكان.. واخدين بريك من بعض يعني.. عشان يفكروا بهدوء ويراجعوا نفسهم.. لكن مفيش فايدة.. انتهى الأمر.. ووقع الطلاق.. وخدت العيال وسافرت بعيد عنه
للأسف تامر زي ما نقطة ضعفه الستات.. كمان ولاده هما أكبر نقطة ضعف في حياته.. طول الوقت كان خايف بسمة تاخدهم وترجع بلدها.. وعشان كده كان بيصفى ويسامح ويقول معلش.. عيلة وغلطت.. لكن المرة دي الزهق مسابلهوش فرصة للصلح.. وخد القرار بعد ما اطمن واداها كل الأوبشنز الممكنة عشان تفضل قريبة ويفضل له سلطة على عياله
ناس كتير في الوسط الفني حاولت تصلح الحال.. وترجع تامر وبسمة عن قرار الانفصال.. لكن الغيرة والخناقات الكتير والستات الكتشييير برضه.. مسابوش أي نتيجة مختلفة عن اللي كان ناس كتير متوقعينه من 12 سنة.. لما اتقال تامر حسني اتجوز فنانة مغربية لسه محدش كان يسمع عنها
استكتروهم على بعض وكانت دي النهاية..
