أعلنت الفنانة دعاء حكم، تعرضها إلى حادث مروع على الطريق الدائري، من خلال منشور دونته على حسابها الشخصي، عبر موقع تبادل التواصل الاجتماعي فيسبوك.
وقالت دعاء: “الحمد لله ربنا كتبلي عمر جديد وأنقذني من حادثة موت، اتقلبت بالعربية مرتين ع الدائري والعربية ولعت كمان، لولا ستر ربنا ورحمته بابني وأهلي مكنتش هطلع سليمة أو مكنتش هطلع أصلا”.
وتابعت: “ربنا وقفلي ولاد الحلال اللي فضلوا بيحاولوا يخروجني من العربية ومسيبونيش غير لما الإسعاف والشرطة جت، نفسي أشكرهم واحد واحد ربنا يجازيهم خير ويعوضهم أضعاف اللي عملوه معايا”.
وأضافت: “الحادثة فكرتني إن الموت قريب مننا قوي وإن مفيش أي حاجة تستاهل نشيل همها عشان كله بيتخطف في لحظة، شكرًا لكل اللي اهتم وكل المكالمات والدعاوي الجميلة، مكنتش أعرف إنكم بتحبوني قوي كده، ربنا يخليكوا ليا وخلوا بالكم من نفسكم”.
