قرأت العنوان وإستغربت، وضربت كف على كف وقولت أستغفر الله العظيم، مذا حدث للناس ، من أيام تحدث الفنانة إلهام شاهين عن أنها يمكن أن تتزوج مدني بدون مأذون ومن غير مسلم وبعدها خرجت رحمة رياض فما القصة؟ تابعونا لتعرفوا التفاصيل من خلال التقرير التالي:
طيب إلهام شاهين وعارفنها وحافظينها هى وتصريحاتها ،إنما مين المطربة العراقية المسلمة رحمة رياض اللى قلبت التريند الساعات اللى فاتت ،على الأقل ألهام شاهين مجرد كلام يعنى متجوزتش،لكن رحمة عملتها وإتجوزت فعلا ..يالا نعرف أخرتها معاهم إيه بالظبط.
بعد ما شوفت الفيديو ده هتلاقيك بتسأل مين رحمة رياض، وإحنا مالنا ومالها ما تتجوز ولا تنفصل إحنا مالنا..لا إزاى بقى إحنا مش هنتكلم عنها علشان إكتسحت التريند لا الأهم من التريند تظبيط التريند ،أيوة بالظبط كده السبب اللى خلاها تريند وهو إنها إتجوزت مدنى أمام قاضى .
بص يا سيدى فى الساعات اللى فاتت لقينا أخبارغريبة علينا كمجتمع مسلم شرقى وهو إن رحمة رياض قالت إنها اتجوزت من زميلها ألكسندر علوم زواج مدني بالمحكمة وعلى يد قاضي عراقي،مش على إيد مأذون بما إنها مسلمة يعنى .
رحمة فى تصريحات لها فى برنامج كتير هالقد على قناة إم تى فى إتكلمت عن حياتها الزوجية وقالت إنها إتجوزت زوجها ده الأمريكى الجنسية وإسمه ألكسندر علو عن طريق المحكمة مش المأذون ،مش بس كده لا إستنى
ده قالت لا أنا أول ولا أخر واحدة أتجوز بالطريقة دى ،الموضوع ده منتشر فى العراق وأمر دارج اللى هو إنتو مكبرين الموضوع ليه؟
خد دى بقى مفاجأة زواجها ده على سنة الله ورسوله وقدام قاضى فى محكمة عادى،رحمة رياض قالت كده.. الوقت كان ضيق يا جماعة ومكناش فى مأذون متتجوزش يعنى؟ إتصرفت بدل ما يبسيبوا بعض والجوازة تبوظ ،لإن ده كان على وشك يحصل فعلا.
رحمة رياض مش جديد عليها إثارة الجدل ،من يوم ما قالت يا شهرة وهى كل تصرفاتها غريبة زى ما شوفتوا كده لسة متجوزة جديد وقلبت الدنيا بجوازتها، طيب مين هي رحمة رياض اللى عملت كل الهيصة دى الساعات اللى فاتت؟
بص يا سيدى رحمة هي فنانة عراقية مشهورة جدا في الخليج،وبدأت تتعرف أكتر من حفلاتها فى موسم الرياض،وبقيت بتتطلب بالإسم.
رحمة إتولدت في العراق لأب وأم عراقيين من أسرة مسلمة، والدها هو الفنان عبدالرضا مزهر وملقب برياض أحمد.. وأختها مذيعة معروفة واسمها نعمة رياض.
رحمة رياض كانت بدايتها من برامج الهواة والمواهب زى برنامج سوبر ستار لما كان عندها 17 سنة، ورغم إنها مكانش لها الحظ فى الوصول للمراحل النهائية إلا إن فنانين كتير ساعدوها خاصة بعد وفاة والداها اللى أثرت فيها جدا.
لكن شهرتها الحقيقة كانت من بعد مشاركتها فى برنامج ستار أكاديمي سنة 2010..ووصلت للنهائى وساعتها مخادتش اللقب بس إتشهرت .
من هنا بقى بدأت رحمة تشق طريقها الفنى ،ويبقى لها أغانى خليجية وكليبات ،وبعد ما كانت مشاركة فى البرامج ده بقيت عضو لجنة تحكيم تحكيم سنة 2021 في برنامج المواهب عراق أيدول،ونجحت جدا فى التجربة دى.
طبعا إحنا عارفين رأى الدين فى الطريقة دى من الزواج هيكون باطل، وكأنها عايشة مع راجل غريب عنها وفى علاقة محرمة، إنتوا رأيكوا إيه فى القضايا دى وشايفين إن إزاى نقدر نتعامل معاها ونحد من انتشارها الفترة الجاية؟
