من كم يوم خرجت الفنانة “انتصار” قالت إن الناس تحسد الفنانين على تربية أبنائهم وتعليمهم العالي، وقالت إن كل أبناء الفنانين عندهم اصل مع أهاليهم اللي ربوهم، لكن ما قاله الفنان “عمرو محمد علي” عن بنته عكس ذلك ولا يتوقعه أحدفماذا حدث وهل تخلى بعض أبناء الفنانيين عن آبائهم؟
حكاية الوجع النادر لعمرو محمد علي
من كام ساعة طلع الفنان “عمرو محمد علي” وبكي على الهواء لما اتكلم عن جحود بنته ومراته، وازاي تخلوا عنه بعد الوجع النادر اللي جاله، وخلى كل الناس تبكي بسببه.
الفنان “عمرو محمد علي” كشف في لقائه بالإعلامي “عمرو الليثي” عن حزنه الشديد من زوجته وابنته لتخليهما عنه في الأزمة الصحية اللي مر بها، وقال إنه تعرض لإبتلاء الله وأصيب بمرض غريب مش بييجي لحد كتير.
عمرو قال إن في يوم كان نايم وصحي لقى نفسه مش مظبوط في الوقفة ومنع الأكل، ولما عرض نفسه على دكتور شخص ده بـ التصلب المتعدد، وده وجع صعب ملوش علاج، علشان كدة الحركة بتاعته واقفة خالص.
الفنان قال إنه بياخد علاج لتثبيت الحالة والوجع ما ينتشرش اكتر، وأقصى حاجة لحالته دي بعد رحمة ربنا هو تثبتها على وضعها الحالي.
زوجته تخلت عنه في محنته
اما عن جحود بنته ومراته فقال إنه انفصل عن مراته علشان ما يظلمهاش لما جاله الوجع، وهي ما استحملتش تعبه رغم انه حبها، لكن اخوه “هاني” احرجه وقاله: قول الحقيقة يا عمرو، إن زوجتك هي اللي تخلت عنك بعد وجعك ولم تتحملك في مرضك.
عمرو محمد علي: بنتي سابتني وقلت لها داين تدان
اما بخصوص بنته فقال الفنان “عمرو محمد علي” إن بنته عايشة مع امها واخذت منها كل طباعها، لكن هو متحمل كل مصاريفها وللأسف بتروحله علشان تاخد مصاريفها بس وتمشي
وفي آخر مرة قالها عبارة صعبة قالها أنتِ جاحدة وداين تدان بتيجي علشان تاخدي فلوس بس وتمشي؟.
بنات شريف منير تخلوا عن امهم
كمان الفنانة “لورا عماد” زوجة الفتان شريف منير شغلت الراي العام كله لما طلعت كشفت جحود بناتها الاتنين “فريدة وكاميليا” وقتها كتبت لورا وقالت:
رسالة لبناتي فريدة وكاميليا، بما إنكم خلاص قررتوا تخرجوا من حياتي بعد ما ادتكم عمري وصحتي وحبي واهتمامي وضحيت عشانكم كتر
وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن كنت أم عاملة إزاي! بقولكم مبروك عليكم عيلتكم الجديدة”.
ابناء سيد زيان حجروا عليه
والفنان الكبير “سيد زيان” كان معروف بخفة دمه لكن لما تعرض لازمة صحية كبيرة اولاده دخلوه المستشفى للعلاج.
لكن بعد فترة اتفاجئ الجمهور إنهم حجروا عليه ليمنعوه من التصرف في امواله، ليرحل سيد زيان في لحظة صعبة اوي بعد جحود أبنائه له بعد التاريخ ده كله.
وغيرهم كتير من الفنانين واجهوا جحود الأبناء رغم التضحيات الكبيرة اللي قدموهالهم في الحياة.
