خلاف زينة ومنة فضالي تجدد مرة أخرى وهذا بسبب أن منة فضالي نفسها تتصدر التريند وترجع لعشقها الذي تحاول دائما إنها تعمله وهو إن اسمها يتردد دائما، لكن ماذا فعلت هذه المرة مع زينة؟تابعونا لمعرفة التفاصيل:
منة فضالة تتصدر التريند بسبب زينة
الفنانة منة فضالي رجعت تتصدر التريند من جديد، لكن المرة دي مش بسبب مسلسل جعفر العمدة، ده بسبب ضرتها هي اللي هي الفنانة زينة في المسلسل، وكل ده بسبب إنها بتدافع عن الفنان أحمد عز.
مش بس كده ده في إشاعات طلعت من فترة قريبة إن الفنانة منة فضالي والفنانة زينة حصل بينهم خلاف تاني وقت ما كانوا بيصوروا مسلسل جعفر العمدة، لكن منة فضالي قالت إن ده محصلش وإن تصوير المسلسل مكنش فيه أي خلاف، بالعكس التصوير مشي كويس جدا، والاتنين خلصوا التصوير وكل واحد راح لحاله.
منة فضالي تدافع عن أحمد عز
الإشاعات اللي ظهرت عن الخلاف بين زينة ومنة فضالي كان عشان إن منة فضالي كانت بتدعم أحمد عز في بداية ظهور مشكلته مع زينة، مش بس كده دي كمان قالت إن عز مظلوم وإن دول مش عياله.
المهم إنها موقفتش عند النقطة دي دي كمان قالت إنها صديقة أحمد من سنين طويلة، وعارفه كويس إنه جدع جدا ومينفش إنه يطلع منه كل ده ومش ممكن يعمل كده.
كمان منة فضالي قالت إن علاقتها بأحمد عز يخلي حقه عليها إنها تسانده، وعشان هي بنت أصول واتربت على إنها تدعم كل أصحابها، وكمان عشان إن أحمد عز مش أي صاحب، فلازم تقف جنبه في محنته.
زينة في عيون منة فضالي
الأهم بقى إن اللي زود الخلاف بينها وبين زينه، إنها قالت عن زينة إنها مجرد زميلة عمل مش أكتر، لكن هي لازم تقف جنب أحمد عز عشان هو صاحب عمرها وإحساسها بيقولها إنه مظلوم، مش بس كده دي قالت لزينة إن الكلام ده مش من المفروض يعمل بينهم زعل لأنها أصلا مجابتش سيرتها في حاجة.
زينة تعترض على تصريحات منة فضالي
زينة مسكتتش وطلعت وقالت لمنة فضالي إنها أساسا مش طرف في الموضوع فمش من حق منة إنها تقول رأيها وبصوت عالي، كمان مين أصلا اللي طلب رأيها، كمان زينة ضافت إن منة مكنتش شاهدة على الموضوع بينها وبين أحمد فإيه اللي مخليها متأكدة أوي كده.
رسائل مخفية بين زينة ومنة فضالي
زينة مكفهاش الرد ده دي بعتت ليها رسالة مخفية قالتلها فيها اختشي يامنة، وبلاش ننبش في ورق هيجرحك إنتي لو طلع، فيه حاجات كتير إنتي متعرفيش إني أعرفها، كمان زينة قالت إن منة فضالي كلامها مجرد لفت انتباه ليها، لأنها بتحب تعمل كده على طول، ومش أول مرة تطلع وتحط نفسها في موضع شبهات عشان بس تكون تريند.
