أعربت الفنانة رحاب الجمل عن ندمها الشديد لتقديمها للمشاهد الجريئة، ضمن أحداث فيلم «بنت من دار السلام»، وتتمنى أن يمحى من تاريخها.
وقالت ‘الجمل’، خلال تصريحات تليفزيونية، قائلة: «ندمانة على فيلم ‘بنت من دار السلام’ ونفسي يتمسح من تاريخي.. لكن أنا شايفة دلوقتي أن كل حاجة في مشواري غلط إني أندم عليها لأني هبقى اتعلمت منها».
وعن إمكانية تجسيدها مرة ثانية مشهد مثل مشهدها في فيلم ‘احكي يا شهرزاد’، الذي جسدته أمام الفنان محمد رمضان، قائلة: «محدش هيطلبني تاني؛ لأن هيكون عنده مشكلة؛ لأني كبرت وعملت المشهد ده وأنا عيلة صغيرة».
وأضافت رحاب الجمل قائلة: «لو ابني حب يتفرج على ‘أحكي يا شهرزاد’، أو ‘بنت من دار السلام’، هقول له أتفرج؛ لأنه هيبقى عنده تساؤلات كتير، وهيستفيد مني، وهقول له ده وقت ما كنت صغيرة».
أشارت رحاب الجمل قائلة: «ممكن أقدم أدوار جريئة بشكل جديد، يواكب الثقافة دلوقتي.. قبل التمنينات في الأفلام الممثلات كانوا بيلبسوا مايوه، عملت ده في «أحكي يا شهرزاد» وكان فيه أفلام كتير جريئة.. جرأتي ملهاش علاقة بجرأة المشهد، هي جرأة وقوة مني إني أقدر أعمل ده».
يذكر أن فيلم «بنت من دار السلام» إخراج وتأليف طوني نبيه، وعُرض عام 2014، بطولة، رحاب الجمل، راندا البحيري، ماهر عصام، وفيلم «احكي يا شهرزاد»، عُرض عام 2009، من تأليف وحيد حامد، وإخراج يسري نصر الله، وبطولة منى زكي، محمود حميدة وحسن الرداد، محمد رمضان، ناهد السباعي، رحاب الجمل.
مقالات أخرى قد تهمك
ياسمين عز لـ باسم سمرة: بتحب الست الرمضانية ولا أول يوم العيد؟
بعد 5 أشهر من زواجه.. تدهور الحالة الصحية للفنان سامح الصريطي
