حلت الفنانة ياسمين صبري، الساعات الماضية، ضيفة ببرنامج “الحكاية” مع الإعلامي عمرو أديب، حيث كشفت عن أسرار حياتها الخاصة.
وخلال اللقاء قالت ياسمين صبري: “بلعب رياضة من وأنا عندي 4 سنين وجدتي وديتني ألعب سباحة، وكنت بعوم بشكل احترافي وخضت بطولات باسم مصر، مقدرش أوقف رياضة لإني لو وقفت رياضة جسمي يوجعني”.
ياسمين صبري تكشف سر رشاقتها
وتابعت: “لعبي الحديد بيعمل تقسيم للجسم وبيخلي الست شبه الحصان وده نوع جمال أنا بحبه، بحب الست اللي ممشوقة”.
وأضافت: “حركة فتحة الحوض إتعلمتها على كبر لما كنت في كوريا بزور مصنع العدسات ومكنتش عارفة أنام بسبب فارق التوقيت فقلت هاروح الجيم الساعة 5 الصبح ملقتش ولا ماكينة فاضية، فلقيت شاشة كبيرة جدا فيها ست بتلعب يوجا بتعمل حركات المرونة الجسدية يوجا”.
وخلال اللقاء قالت ياسمين صبري: ” ربنا أنعم عليا بالشكل ودي حاجة منقدرش ننكرها، فالشكل ساعدني أكون واجهة للعلامات التجارية وأنا كملت ده بالواجهة والأسلوب واللبس”.
وتابعت: ” بشوف كومنتات ناس بتقول هي بتصرف كل الفلوس دي إزاي؟ واللي مش عارفينه إني مش بصرف جنيه.. لما الإنسان بيكون واجهة بتيجي علامات تجارية تقول أنا عايز الست دي تمثلني وتكون السفيرة بتاعتي لأنها بتدي انطباع”.
وأضافت: “وأنا بعمل دعاية بطريقة غير مباشرة، لإن الإعلانات المباشرة واللي بالغصب وبالعافية كانت زمان والناس هتنفر مني كده. ”
وأشارت ياسمين: “محدش يعرف أنا عندي قد إيه في البنك علشان يقولوا لحقت تعمل كل ده إمتى، الطائرات الخاصة اللي بركبها دي عقود شغل، والطائرات مبتعملش إنسان، الإنسان هو اللى بيعملها ودي ممكن تتحط على التوك توك”.
اقرأ ايضا:
ياسمين صبري تعلم عمرو أديب اليوجا على الهواء.. لن تصدق رد فعله
