حلت الفنانة ياسمين صبري، الساعات الماضية، ضيفة ببرنامج “الحكاية” مع الإعلامي عمرو أديب، حيث كشفت عن أسرار حياتها الخاصة.
وخلال اللقاء قالت ياسمين صبري: ” ربنا أنعم عليا بالشكل ودي حاجة منقدرش ننكرها، فالشكل ساعدني أكون واجهة للعلامات التجارية وأنا كملت ده بالواجهة والأسلوب واللبس”.
تصريحات ياسمين صبري
وتابعت: ” بشوف كومنتات ناس بتقول هي بتصرف كل الفلوس دي إزاي؟ واللي مش عارفينه إني مش بصرف جنيه.. لما الإنسان بيكون واجهة بتيجي علامات تجارية تقول أنا عايز الست دي تمثلني وتكون السفيرة بتاعتي لأنها بتدي انطباع”.
وأضافت: “وأنا بعمل دعاية بطريقة غير مباشرة، لإن الإعلانات المباشرة واللي بالغصب وبالعافية كانت زمان والناس هتنفر مني كده. ”
وأشارت ياسمين: “محدش يعرف أنا عندي قد إيه في البنك علشان يقولوا لحقت تعمل كل ده إمتى، الطائرات الخاصة اللي بركبها دي عقود شغل، والطائرات مبتعملش إنسان، الإنسان هو اللى بيعملها ودي ممكن تتحط على التوك توك”.
وأكملت: “الإنسان لازم يعمل قيمة لنفسه مش بس يعتمد على أنا ابن فلان، بالعكس ده ممكن يبقى نقمة والناس هتعاملك عشان ابن فلان بس، والفلوس حلوة أكيد والأحلى إنك تعرف تعملها.”
وفي وقت سابق، ظهرت ياسمين صبري وهي ترتدي إطلالة كلاسيكية جذابة فارتدت بدله أنيقة من اللون الأخضر ونسقت معاها حجاب من نفس اللون، واختارت أن يكون المكياج ناعم وبسيط.
وانتهت الفنانة ياسمين صبري مؤخرًا من تصوير أحدث أفلامها هو “فيلم أبو نسب” المقرر عرضه الفترة المقبلة.
شارك في بطولة فيلم “أبو نسب” محمد إمام، ياسمين صبري، وفاء عامر، ماجد الكدواني، هالة فاخر، محمد لطفي، من تأليف أيمن وتار، وإخراج رامي إمام.
اقرأ ايضا:
