حلت الفنانة دينا ، الأيام الماضية، ضيفة في برنامج “ع المسرح” تقديم منى عبد الوهاب ويعرض على قناة “الحياة”.
وخلال اللقاء، تحدثت “دينا” عن شقيقتها المنتقبة قائلة: “اختي ريتا قريبة جدًا مني وهي أطيب حد وأقرب حد ليا وعمر ما كان بينا خلاف على فكرة الرقص واحنا اخوات لما بنقعد مع بعض مبيبقاش فيه حواجز بينا وبنتكلم في كل حاجة”.
“بتقولي يارب تدخلي الجنة معايا”.. دينا تكشف أسرار عن شقيقتها المنتقبة لأول مرة
وتابعت: “بس هي عندها وجهة نظر محترمة جدًا انها دايمًا بتدعي لنفسها على الثبات وبتقول أن ربنا لما ييجي يحاسب الناس أنا معرفش اذا كنت أحسن منك ولا انتي احسن مني وحسابات ربنا مختلفة وبتقولي يارب تدخلي الجنة معايا”.
وأضافت: “أنا براعي المجتمع في حدود، وانتي لو واربتي الباب هيخش لك جيش لكن لو قفلتي الباب على نفسك مش هيدخلك حد”.
وأكملت: “ريتا أختي من أبويا وأمي وهي العشرة مع بعض العمر كله لأنها عارفاني كويس وحفظاني وأخوات الأم هم الأقرب من أخوات الأب لأن اللي ربت واحدة عشان اخوات الأم بيبقوا أقرب وأخوات الأب طبعًا في القلب لكن هتلاقيهم أبعد”.
وقالت الراقصة دينا إنها تعتبر أن الرقص بالنسبة لها عمل، كأي عمل، وتعتبر هذا ردًا على الانتقادات التي وجّهت لها حين قررت أن ترقص ثاني يوم وفاة والدها، وأيضًا ذهبت بعد دفن زوجها في نفس اليوم وعرضت إحدى المسرحيات مع الزعيم عادل إمام.
وقالت دينا للإعلامية منى عبدالوهاب في برنامج ع المسرح، إن أفضل أيام تعمل فيها وهي حزينة لأنها ترى أن الرقص أيضًا يفرغ الطاقة داخل الإنسان، بالإضافة إلى أنها تعتبر أن الحزن ليس له علاقة بالعمل، والحزن على والدها وزوجها لن يذهب مع مرور الوقت.
اقرأ ايضا:
“هكمل لوحدي”.. أول تعليق من حسن شاكوش بعد عرض حلقته في برنامج رامز جلال
