هاجمت الإعلامية سارة نخلة الفنانة حلا شيحة، منتقدة تكرارها لقرارات ارتداء الحجاب وخلعه، وابتعادها عن الفن ثم عودتها إليه من جديد، مشيرة إلى أنها تستخدم الحجاب لتصدر الترند.
وقالت سارة نخلة خلال تصريحات تلفزيونية في قناة «هي»: «أنا مش بتكلم على الدين والأخلاق بس اللي بيحصل ده للمرة التالتة.. المؤسف المذيعات اللي بيدافعوا عنها بدال ما يسألوها الأسئلة هي الست فيها إيه، هل بتعاني من حاجة؟ أو برج الجوزاء؟ الحجاب مش لعبة أو وسيلة للترند، الحجاب عندك مرتبط بالزيجات».
«بتهين الفن».. إعلامية شهيرة تهاجم حلا شيحة بعد ارتدائها الحجاب
وأضافت: «زي ما حصل مع تامر حسني ونزل الفيلم وكانت اتجوزت هنا بتهيني الفن.. الحجاب حرية شخصية، لكن لما تقرري تتحجبي تاخدي جنب، ليه الشو وإثارة الجدل بآيات قرآنية وكأن الناس هي اللي ظلمتك الحقيقة إنك بتظلمي نفسك، فنانات زمان كانت بتعتزل من سكات زي عبلة كامل وشمس البارودي».
وتابعت: «قررتي تتحجبي ألتزمي بالحجاب، الحجاب أخلاق، مبقاش حد يصدقك، ربنا يهديكي وتبقى التالتة تابتة، مبنتكلمش عن أعمالك زي ما بنتكلم عن الحجاب وزواجك، مش عاجبك الفن وعايزة تتحجبي رجعي كل الفلوس اللي خدتيها من الفن».
وأثار الظهور الأخير للفنانة حلا شيحة بالحجاب حالة من الجدل والتساؤلات بين متابعيها، وذلك بعد أن نشرت صورة جديدة عبر حسابها على «إنستجرام» ظهرت فيها وهي ترتدي الحجاب.
وعلقت حلا شيحة على الصورة قائلة: «أجمل كلمة ممكن نقولها في كل الأوقات هي الحمد لله طالعة من القلب بتفرق كتير.. الحمد لله سلام داخلي محتاجينه كل لحظة في حياتنا … كلنا عندنا أيام صعبة واللي تعبان واللي بيفقد أحبة والفتن الكتير حوالينا فدايمًا نقول الحمد لله يارب دايما وابدًا».
اقرأ ايضا:
