أثارت الفنانة بدرية طلبة حالة من الجدل عبر حسابها الرسمي بموقع التواصل الاجتماعي «فيسبوك» خلال الساعات القليلة الماضية، بعدما وجهت رسالة لمجهول يبدوا أنه تحدث عن أدوارها وملامحها وإجرائها لعمليات التجميل.
وشاركت بدرية طلبة عدد من الصور من مشاهد مسلسل «الأجهر» عبر حسابها الرسمي بموقع فيسوك، وعلقت قائلة: «ماتزعليش ياحلوة بقي لما، والا بلاش خليها مفاجأة ودي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا وان اسم الله عليها اللي أتخضت لما شافتني في مسلسل الأجهر ورمضان كريم حاطة ميكب أوڤر وإني بعمل تجميل علشان ابقى حلوة يمكن أعمل دور هانم».
وأضافت: «ومش هيليق عليا علشان أنا شكلي وصوتي شعبي! طب لمصلحة مين الهري دا، طب علقي على دور وحش عملته!! طب قولي حاجة أنا غلطت فيها دا لو أنت ناقد يعنى ولك الحق لكن يا الصور اللي أنت حاطتها دي فعلا من مسلسل خليجى ومن ضيفة في برنامج في السعودية وصورة من مسرحية في السعودية ميكب خليجى».
وتابعت: «وكمان فيه حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها!! طب تجميل تجميل أنت مالك دانا بطلع في اي برنامج اقول اه عامله بس مش بالاڤورة اللي بتتكلمى عنها وبتتريقي وبتتنمري بيها عليا وتألف حاجات لدرجة إن المتابعين هجموك».
وأضافت: «اهدى على نفسك اللي بيته من إزاز ميحدفش الناس بالطوب ولا إيه».
وكانت بدرية طلبة شاركت في مسلسل الأجهر الذي عرض خلال الموسم الرمضاني لعام 2023، ودارت أحداثه حول شاب يُدعى مصطفى الأجهر، يعيش في حي الدرب الأحمر، وتطارده الجهات الأمنية بتهمة قتل والدته.
