فاكرين الفنانة وفاء مكي، التي كانت بتشتكي من قلة الشغل الأيام الماضية وقالت إنها قربت تمد ايديها وتشحت، منذ ساعات ظهرت في برنامج وبكت ودعت أن يأخذ الله لها حقها ممن كان سبب في سجنها ظلم في قضية ضرب الخادمات.
غريبة دي بعد ما عدى 23 سنة على القضية إياها جاية تتكلم دلوقتي!، طيب مين الفنانة اللي فتحت الموضوع أصلا وكانت كاتمة شهادتها جول السنين اللي فاتت دي؟ ومين اللي له يد إن وفاء مكي تتكلم وتتسجن ويتسكت على حقها، ولا إحنا في حلم ولا إيه؟ خليكوا معانا في الفيديو ده نقولكم الحكاية من طأطأ لسلامو عليكو.
فنانة معروفة رجعتنا الماضي
محدش في مصر مش عارف الفنانة وفاء مكي، ولو مش عارفينها فالهجوم الذي بتتعرض ليه من وقت للتاني على مواقع التواصل الاجتماعي مخلاش حد ميعرفش قضية تعذيبها خادمتين.
وإن القضية مر عليها أكثر من 20 سنة، ووقتها عملت ضجة جامدة وبقت قضية رأي عام واتحكم عليها بتهمة تعذيب خادمتين والاعتداء عليهم بالسجن لمدة 10 سنين وكمان قضت العقوبة وخرجت بالسلامة، لحد ما ظهرت الفنانة ميار الببلاوي وقالت شهادة لله يا جماعة الست دي مظلومة وأنا كتمت الشهادة في حقها وآن الأوان بقى كل واحد يعرف الحقيقة المستخبية.
اتعرضوا عليها يشتغلوا عندها
البداية في القصة دي عند الفنانة هند عاكف اللي حطت الفنانة ميار الببلاوي في ورطة وقالت إن من كام شهر قبل انتخابات النقابة حصل بينهم كلام في رسائل على مواقع التواصل الخاصة بينهم وقالتلها إنها عاوزاها في موضوع مهم يخص وفاء مكي وإنها معاها دليل برائتها وده مسببلها حالة نفسية صعبة ومحتاجة تفضفض.
وأكدت إن كلمة السر في الجواب اللي شافته دلوقتي بالصدفة ويخص قضية وفاء مكي بخصوص ضرب واعتداء على الخادمتين اللي كانوا شغالين عندها، ولما هند طلعت اتكلمت كده كان لازم بقى ميار تطلع تتكلم ده ربنا بيقول “ولا تكتموا الشهادة ومن يكتمها فإنه آثم قلبه” ياشيخة إيه ده يا شيخة ليه تسكتي كل ده.
الحكاية مع ميار
واتكلمت الفنانة ميار الببلاوي عن أسرار أول مرة تتقال في قضية وفاء مكي دي، وطلعت في لقاء تلفزيوني
قالت إنها لما اتجوزت مكانتش ست بيتشاطرة ومش بتعرف أتعمل حاجة في البيت وجوزها كان عاوز يجيبلها ناس تساعدها وهي كان معاها بنت بتساعدها لمدة طويلة واتجوزت ومشيت وبوابة العمارة قالتلها إن في واحدة تحت معاها بنتين عاوزين يشتغلوا.
ولما شافتهم لقيت بنت منهم هرشت في شعرها وكان شعرها أقرع وقالتلها إيه ده؟ قالتلها دول اللي كانوا عند الأستاذة وفاء مكي والبنت عندها قراع ووفاء حلقتلها شعرها، بس وقتها رفضت تشغل البنتين معها بس هما كانوا بصحة حلوة ولا في تعذيب ولا حاجة هما بس ولو كانت من غير شعر وخافت منها تعدي ابنها.
واكدت ميار إن شهادتها اللي بتقولها دي إن البنات جم من عند وفاء مكي مكانوش محروقين بس طانوا حالقين شعرهم والست مشيت وخدت البنات واتفاجأت بعدها بكلام الجرايد بضرب البنات ولما شافت صورهم قالت إيه ده دول اللي الست كانت جيباهملها.
وكلمت وقتها صحفي معروف وكان صديق عزيز عليها قالتله الموضوع دا غلط ووفاء معملتلهمش حاجة وهما جم من عند وفاء مكي لعندها وراحوا البلد والمصور قالها في شخصية عاوزة تأذي وفاء وكلامك مش هيودي وهيأخر، بس كل الكلام ده كان من 23 سنة وربنا مد في عمرها عشان تقول كده والحمد الله إنها قالت عشان الموضوع ده كان تاعبها.
دفاع عن النفس
يمكن ميار الببلاوي حاولت تدافع عن سكوتها كل المدة دي وقالت إن الموضوع اتفتح دلوقتي لأنها مريضة قلب ومفيش مرة دخلت عملت عملية وبقت قبلها تدعي ربنا يمد في عمرها لحد ما تقول كلمة الحق، هي أصلا كانت عاوزة تقول حاجة بس مش عارفة الطريق وجواها صراع إن كلامها ده هيعمل حاجة ولا لا بقالها 23 سنة تعبانة وبقول يا ترى لو كانت قالت شهادتها كان هيتاخد بيها ولا لأ.
الظلم وحش
وكانت الفنانة وفاء مكي، قالت إنها مرت بضغوطات نفسية على مدار 23 سنة بس كانت واثقة إن هيجي يوم و تعرف مين ظلمها ومين اتكلم عنها بالباطل.
ومن زمان كانت بتشتكي إنها مش بتعرف تعيط بس بعد ما خلفت ابنها بقت دموعها سهلة ممكن طول ما هي ماشية تفضل تعيط من كتر الظلم لأن محدش عارف حاجة ومش هتمشى تقول أنا مظلومة.د بس هييجي يوم والناس هتعرف كل حاجة ولان في حاجات محدش يعلمها غير ربنا الناس مش ناقصة مشاكل وهم.
مين ورا سجنها
واضح إن الموضوع كبير وحد ليه يد في سجن وفاء مكي غير ميار الببلاوي اللي ما شهدتش شهادة حق وقتها عشان وفاء قالت إن دليل براءتها كان مع الفنانة ميار الببلاوي، بس هي خافت من الاعتراف، عشان اتهددت بقتل ابنها لو دافعت عن وفاء.
