خناقات الفنانين وأزواجهم لا تنتهي، والفترة الماضية علا غانم تسببت في ضجة كبيرة على مواقع التواصل الاجتماعي،ماذا حدث مع زوجها؟ تابعونا لمعرفة التفاصيل:
محكمة الأسرة النهارده أمرت بالخلع لعلا غانم من جوزها، وده بعد خناقات كتير كانت موجودة مؤخرا بينهم، واللي آخرها كان من كام يوم ووقتها نشرت استغاثة على حسابها الشخصي بتقول فيها إن جوزها طردها بلبس النوم في الشارع هي وأسرتها بالكامل، وتعاطف معاها الجمهور جدا، ونقابة الممثلين حاولت تحل معاها إزمتها، وبعدها راحت هي رفعت قضية خلع على جوزها، وكانت منتظرة القرار بفارغ الصبر.
مش فاضية تطلق
اتجوزت علا غانم من 12 سنة تقريبا، وعاشت كل مدة جوازها في أمريكا، حاولت تطنش تصرفات جوزها وخصوصا إنها كانت مشغولة جدا بأهدافها وأحلامها اللي نفسها تحققها، عشان كده علا غانم مكنتش مركزة مع جوزها، وقالت ” أنا كنت مشغولة لدرجة إن معنديش وقت فاضي أتخانق معاه”.
ضحك عليها وبيغش البنزين
جوز علا غان كان شغال في الشركة بتاعتها، وكان بياخد منها مرتب شهري مقابل شغله، ومش بس كده ده كمان كان بياخد منها مصروف شهري، بالرغم من إنه قبل الجواز أقنعها إن عنده سلسلة مطاعم كبيرة، وفي النهاية طلع بيكذب عليها، ولما قرر ينزل معاها مصر ويعتمد على نفسه ويشتغل اشترى بنزينة، لكنه عمل لنفسه فضيحة كبيرة جدا بسبب إنه بيغش في البنزين.
بعد الموقف ده علا كانت عاوزة تطلق، لكن جوزها عبدالعزيز لبيب رفض إنه يطلقها، وفضل يبكي قدامها وقالها إن حبهم كبير ومش هيقدر يستغنى عنها، ورجع مصر وقتها ولما رجعت هي وراه اكتشفت إنه اختلس من شركتها 450 ألف دولار، وطبعا بعد خناقة كبيرة بينهم طلبت الطلاق تاني وعرضت عليه نصر ثروتها عشان تخلص منه، لكنه بردو رفض.
متجوز عليها ٣ ستات
في أثناء ما علاء غانم بتحاول تطلق من جوزها، اكتشفت إن عنده أطفال كتير بسبب جوازه من ٣ستات من ٣ ديانات مختلفة، ووقتها قررت إنها مش هتكمل مع الشخص ده، وقالت إنها كانت مضطرة تتجوزه عشان كان بيحبها وبيخاف عليها، ولكن ده حصل في الشهور الأولى بس من الجواز، واللي اكتشفت بعد كده الحقيقة اللي صدمتها باقي عمرها.
علا رجعت طلبت تاني الطلاق، لكنه كان ليه أصعب رد فعل هي مكنتش متوقعاه، هددها بصور وفيديوهات خاصة ليها، اتعصبت جدا لانها متعرفش إيه مصدر الفيديوهات دي، وطلبت الانفصال بكل هدوء، لكنه قالها إنها مش هيسيبها غير لما تفلس ومتلاقيش تاكل، مش بس كده ده كمان طردها من بيت في مصر بهدوم النوم هي ووالدتها وأولادها بعد ما اعتدى عليها هو وأصحابه بالضرب.
بتحاول ترضي المجتمع
الفنانة علا غانم قالت في برنامج العرافة إنها ست قوية ومش ضعيفة، عشان كده عمرها ما اتكلمت عن حياتها الشخصية، وكمان قالت إنها لما اعترفت بحبها لزوجها في برنامج من البرامج المصرية، كانت بتكذب عشان تطلق منه في هدوء ، خصوصا إنها مش بتحب الدوشة بتاعت الإعلام، مش بس كده دي كمان اعترفت إنها من ١٢ سنة بتحاول ترضي المجتمع عن علاقتها بجوزها، لكنها للأسف مش قادرة تكمل.
كمان علا غانم قالت إنها طول عمرها بتظهر بمظهر معين قدام جمهورها، ومسمحتش لأي حد في يوم من الأيام إنه يشوه الصورة دي، ولكن المشاكل والخلافات هي اللي أثرت عليه وعلى الصورة دي.
