لم يتحمل ما حدث له ولا المرض الذي أثر عليه خلال الفترة الأخيرة وجعل ملامحه تتغير كثيرا وفقد وزنه ودخل في غيبوبو، صورة انتشرت له على السوشيا ميديا احدثت ضجة كبيرة وككأنه كطان يودع جمهوره بها.
بنته كانت السبب فى الصدمة اللى عاشها الناس الساعات اللى فاتت ..وزى ما نشرت صورته وهو تعبان بالشكل ده ..إتقال إنه فارق الحياة!
فياترى إيه حقيقة رحيل إيمان البحر درويش؟ وإزاى بنته تاجرت به؟ وإيه علاقة حسن شاكوش برحيله؟ مصدر مقرب منه كشف عن مفاجأة ف ليه بنته بتكره الفنانين كده؟
إيمان البحر درويش بقاله فترة محدش يعرف عنه حاجة..وفجأة صورة له نشرتها بنته أمنية قلبت الدنيا والكل إتصدم بقى ده إيمان البحر درويش طيب إزاى؟ مش شبهه خالص ،فين وسامته ؟ملامحه إتبدلت بمعنى الكلمة وحالته صعبة وبين الحياة والموت ..
وزى ما يكون بنته بتستغيث إن حد يلحقه وينقذه..وإتقال إنها بتاجر به وبتستغل تعبه! ..لكن مفيش بنت هتعمل فى أبوها كده إلا لو كل السكك إتقفلت قدامها ومفيش حل علشان تنقذه فأضطرت تعمل كده وتنشر صورته!
الصورة اللى نشرتها بنته ..خلت الناس ترجع تهتم بالفنان،وتراقب حالته الصحية ،ولإن تعبه يبان إنه شديد فطبيعى ربنا هيريحه فى أى لحظة ..وده اللى حصل الساعات اللى فاتت وكان حسن شاكوش السبب فى إثارة الجدل ،وإن الدنيا تتقلب من تانى على الفنان وأسرته ..
حسن شاكوش نشر على صفحته الشخصية صورة للفنان وبينعيه فيها وبيقول إنه فارق الحياة..وللأسف هو الوحيد فى الوسط اللى كان كاتب الخبر ده وفجأة حذف اللى كتبه ،وتم نفى الخبر من أسرة أيمان البحر درويش!
مصدر مقرب، من أسرة الفنان نفى رحيله وقال إنها مجرد شائعات ،وإن حالة إيمان الصحية مفيش فيها أي جديد أو حاجة طارئة ،وإنه بيخضع للعلاج حاليًا.. ولو فارق الحياة مش هيخبوا حاجة زى كده، والكل هيعرف أكيد.
وزى ما يكون الصورة دى لعنة وصابت أسرة الفنان،ورغم القهرة الى كانوا عايشنها ومحدش يعرف عنهم حاجة إلا إنهم وهم بعيد عن الأضواء أفضل مليون مرة من خضتهم كل ساعة والتانية بخبر رحيله..
من لحظة نشر الصورة ،والكل بيحاول يعرف حالته الصحية..ونقابة الموسيقين حاولت تتواصل مع أسرته ولكنها فشلت ..لحد ما أعلنت الشركة المتحدة إنها هتتكفل بعلاجه وبتتواصل مع عيلته علشان يبدأوا فى الإجراءات لعلاجه..
طيب هو مش ممكن تكون الصورة من حقيقة زى ما الخبر مطلعش حقيقى ..خاصة إن بنته أمنية مفيش بينها وبين الوسط عمار ..فهل ممكن تكون بتعمل قلق وتريند وخلاص!
كلام محامى والدها أكد ده ،لما قال إن صورته دى وهو تعبان ومصاب بفيروس كورونا ومتصورها من سنتين ،الصورة مش جديدة ،وإن إيمان مر بأزمات كبيرة خلال الكام سنة اللى فاتوا ..وخاصة بعد حبس إبنه لما أنهى حياة ولد صغير
سبحان الله توقيت نشر بنته الصورة ،هو نفس توقيت الحكم على إبنه فى القضية ..علشان كده إتقال إنها عايزة تكسب تعاطف الناس وتدارى على اللى عمله أخوها ..
المحامى أكد إن الصورة ممكن تكون إنتشرت بالغلط إو نتيجة أختراق حساب بنته إمنية
لكن أمنية ردت ، خلال مداخلة هاتفية مع الإعلامى شريف عامر وقالت أن المحامى مش لممثل القانوني لوالدها، وأن والدها ألغى الوكالة من فترة كبيرة جدًا.
بسبب اللى فنانين كتير عملوه فى والدها ،ولما إختفى محدش كلف نفسه يسأل ويطمن عليه ،ولما نشرت الصورة الكل حب ياخد اللقطة ويطلع قدام الناس الجدع الشهم النبيل ونليفون بنته مبطلش رن ،وده اللى هى قالته :محدش تواصل مع أبويا نهائي من فترة، مش فاكرة قد إيه. وأنا مردتش على حد من إمبارح خالص، ومعملتش أي اتصال مع أي حد، بس فعلا في ناس حاولوا يتواصلوا معايا كتير جدًا»..
