خرجت الإعلامية ريهام سعيد، عن صمتها ووجهت رسالة قاسية إلى الفنانة منة شلبي بعدما تم ضبطها في المطار وبحوزتها مواد مخدرة، وذلك خلال تقديمها حلقة جديدة من برنامجها صبايا الشمس.
وقالت ريهام: “أنا مش عايزة اتطرق ومش هجيب سيرة اي حد ولكن لما أي حد يطلع البرنامج هو بيطلع برضاه علشان يؤثر في الرأي العام”.
وتابعت: “اللي بيحاول يدافع عن فنان أو فنانة معينة ويطلع يقولك أصل الماريجوانا دي مش مخدرات هو ده اللي خطأ لأن ابني بيتفرج عليك وتطلع تقوله أن نسبتها مصرح بها في الآخر ولكن في الآخر دي مخدرات لو ملهاش أثر أنها تبقى إدمان ولكن لها أثر نفسي وهي كيمياء تدخل المخ مينفعش اطلع أقول أنها عادية ودي رسالة مش علشان ادافع عن حد أوصل رسالة للناس كلها خطأ”.
وكانت النيابة العامة أمرت بإخلاء سبيل الممثلة منة شلبي بعد استجوابها إثر ضبطها بمطار القاهرة الدولي عائدة من الخارج وبحوزتها مواد يُشتَبه في كونها مخدرات، وورود محضر بالتحريات حول الواقعة، وذلك إذا ما سددت ضمانًا ماليًا قدره خمسين ألف جنيه.
