في سنة 2000، شركه العدل جروب انتجت واحد من أهم أفلامها، فيلم ثقافي الذي قدم 3 وجوه شابة أصبحوا نجوم الفن في مصر بعدها، الفيلم من تأليف وإخراج محمد أمين وبيحكي قصة 3 شباب، فتحي عبد الوهاب، وأحمد رزق، وأحمد عيد.
أحداث الفيلم حصلت في إطار كوميدي حول تجميع عناصر المشاهدة الأساسية، الفيلم والفيديو والمكان وما يحدث لهم من مواقف طريفة في القصة، وفي الفيلم ده ظهرت لاول مرة سينمائياً الفنانة روبي، وظهرت فيه بمشاهد صغيرة واسمها ظهر على التتر بإسم رانيا حسين.
وكان فيه عدد من ضيوف الشرف منهم يسرا وسامي العدل منتج الفيلم، وإبراهيم يسري، لكن اللي لفت الأنظار في الفيلم ده فنان شاب اسمه محمد التهامي، اللي لعب دور الريس برايز، وقال جملة من أعمق الجمل في تاريخ السينما المصرية، “العيب في النظام يا بهايم”، وانحصر داخل الأدوار القصيرة بس، التهامي مخدش شهرته ولم يظهر سوى في 7 أفلام ومسلسلين
وكلها كانت من سنة 1993 لحد سنة 2000، لكن شهرته اكتسبها في فيلم ثقافي، ومن أشهر الأفلام اللي ظهر بها تهامي في فيلم شهير مع عادل إمام، وهو اللي كان سبب رئيسي في كشف الخارج عن القانون علي عبدالظاهر.
اللي قام بدوره عادل إمام بعدما بلغ زميلته فاتن اللي هي حنان شوقي، لما قالها إن الشخص اللي عايش معتم في البيت مش الدكتور مصطفى، بعد فيلم ثقافي اختفى محمد التهامي فجأة ولم يظهر طوال 15 سنة.
لحد ما ظهر سنة 2015 بدور صغير في مسلسل زواج بالإكراه، وبجانب عمله في التمثيل أنتج “تهامي” فيلم للي بيحب ربنا يرفع أيده لفوق سنة 2013.
وعمل منتج فني لفيلم البلدوزر سنة 1992، وقام بالإعداد المسرحي لمسرحية انفجروا أو موتوا، ورغم غيابه كل ده لكن هتفضل جملة العيب في النظام يا بهايم هي الأشهر والأصدق في تاريخ السينما.
لانه من خلال الجملة دي أرسل محمد أمين مؤلف الفيلم رسالة مضمونها كبير، من خلال الزواج فيخرج تهامي ليقول رسالة الفيلم ”العيب في النظام يا بهايم”، ويقصد بها السيناريست محمد أمين معنيين الاول قريب والتاني بعيد.
المعني القريب وهو نظام الفيديو لكن البعيد دي ترجع للمؤلف واللي قال إن مالهاش معنى سياسي، التهامي صاحب عبارة العيب في النظام اشتغل في الفيلم كمدير إنتاج، ولما شافه فكر محمد أمين استعان به كضيف شرف ليقوم بالدور.
يقول تهامي إن رسالة الفيلم كانت من خلال الوضع اللي يمر بيه الشباب، وكمان صورة الطفل الباكي اللي ظهرت في الفيلم لها معنى، وهي من أشهر الصور في العالم واللي ارتبطت عند الناس بالتعبير عن الحزن.
اللي محدش يعرفه إن فيلم ثقافي عمل مشاهدات عالية اوي ونجح جماهيرياً، وجه في المركز الـ 12 في قايمة افضل 100 فيلم كوميدي في تاريخ السينما المصرية.وكانت العبارة دي ورسالتها اهم ما جاء في السيناريو لكن فين صاحبها دلوقتي؟
