حكى الفنان أحمد صيام عن موقف صعب تعرض له خلال تواجده في المسجد النبوي جعله يبكي بشدة.
“بكى بحرقة”.. أحمد صيام يتعرض لموقف صعب في المسجد النبوي
وتابع: “وقفت وبكيت وقلت بقى يا رب أنت رافض وجودي عند سيدنا النبي وعيطت بحرقة”.
وأكمل أحمد صيام: “وفجأة بفتح التطبيق لقيت مكتوب إنه نسك هيفتح بعد 5 دقايق فسجلت ودخلت الروضة، وفيها بكيت بكاء شديد لأني كنت متأكد أن ربنا مش هيحذلني أبدا ومش هيردني من غير ما أسلم على حبيبنا وشفيعنا سيدنا محمد”.
وفي وقت سابق، حكى الفنان أحمد صيام رحلته مع مرض السرطان، وكيف أصيب به بسبب التدخين.
وقال أحمد صيام في لقاء مع “حكايات سهير” من تقديم سهير جودة: “كنت مدخن شره جدا كنت تقريبا مش بطفي السيجارة، يعني ساعات بتوصل لـ6 علب سجاير في اليوم، كنت أصحى من النوم على ما أفطر أكون شربت 6 أو 7 سجاير”.
وتابع أحمد صيام: “أنا ابتديت تدخين سنة 1970 لغاية 2007، فجأة كنت بصحى من النوم بكح جامد والدنيا مهزوزة لثواني، أنا قلقت وقررت أني مش هشرب سجاير، تاني يوم رحت للدكتور عملت تحاليل وأشعة قالي إن في ورم على الرئة اليمين، ناخد عينه أنا رفضت، لأن المعلومة اللي عندي أن الورم لما بيحس بمشرط بينتشر، لغاية ما قابلت دكتور شاب قالي إنه مش هيجي جنب الورم وقالي هفتح وأشيل الفص كله، وأنا وافقت وقالي في أسرع وقت وفعلا عملت العملية وبعد ما خلصت العملية أخدت جرعة كيماوي وقائية”.
وأكمل أحمد صيام: “جرعات الكيماوي أصعب من الجراحة، الجراحة أنا واخد بينج مش حاسس بحاجة لكن الكيماوي دا كان بروتوكول جديد مش بيوقع الشعر لكن بينشف الأوردة، كان بيبان في الإيد زي الحرق الأول أنا اترعبت لكن الدكتور طمني والحمد لله اتعالجت”.
اقرأ ايضا:
