وجهت الفنانة روجينا رسالة نارية للإعلامية ياسمين عز بعد تصريحاتها الأخيرة التي قالت فيها أن المرأة المطلقة لابد أن تأخذ نصف ثروة الرجل بعد الطلاق.
من جانبها، أعات روجينا نشر تصريح ياسمين عز وعلقت عليه: ” بلاش انا يا ياسمين انتي مش قد هند يعمري خليكي في فرعونك الصغير أو الكبير”.
“بلاش أنا”.. روجينا توجه رسالة نارية لـ ياسمين عز
يأتي ذلك لأن الشخصية التي تجسدها روجينا في مسلسلها الجديد “حسبة عمري” تسعى فيها لاخذ نصف ثروة زوجها بعد الطلاق.
وفي وقت سابق، قالت ياسمين عز: “لما قولت أن الست تاخد نص ثروة الراجل لما تتطلق حسيت بالذنب ومعرفتش انام، لأن زي ما فيه رجالة وحشة فيه رجالة كتير حلوة وفيه ستات كتير وحشة مش كله زي بعضه لو الراجل كويس وعمل نفسه وبنى بيته معاكي بأي حق تاخدي نص ثروته الموضوع ده لغوه من زمان برة وده لان فيه ستات كانت بتروح تتجوز ”
وتابعت: “الرجالة الغنية عشان تاخد فلوسهم.. لكن الفرعون الكبير الصغير الطيب الجميل ده ده بعد ما تعب وشقي تاخدي كل حاجة على الجاهز.. اي ماسكة عليه ذلة! ممضياه على شيك على بياض، واخدة عليه وصولات أمانة، لا معكيش اي مستندات يبقى بأي حق تاخدي نص ثروته اللي تعب وشقي فيها!.”
وأضافت: “أنا متصدرة مواقع البحث في كل حتة في الوطن العربي بقالها شهرين وده يأكد كلامي اني بصنع براند وبخلق قوة تأثير قوية وبرنامج كلام الناس مأثر فيهم وبدل ما جمهوري كان رجالة وستات بقى فيه كمان أطفال طلعوا يعملوا فيديوهات على لؤة وده شيء أسعدني جدا.”
اقرأ ايضا:
