أعمال درامية كثيرة موجودة في رمضان، لم يطلب أحد بوقفها أو حذفها ولكن لماذا يطالب البعض بوقف مسسل جعفر العمدة؟ تابعونا لمعرفة التفاصيل”
في حاجات كتير بتسيء لصورة المرأة المصرية وبتعمل أزمات في المجتمع، زي مثلا إن زوجها يبقى بيعاملها معاملة مش كويسة بإنه يتزوج من واحدة واتنين وتلاتة عليها، مش بس كده ده ممكن يتعامل معاها على إنها ملهاش أهل فعشان كده يعمل فيها اللي هو عايزه، طب الكلام ده في الواقع بس، لأ طبعا مش المشكلة اللي في الواقع بس الأهم إن ده يتعرض في الدراما والناس كلها تشوفه.
الإساءة لصورة المرأة المصرية في الدراما
زي ما في ناس كتير عجبهم أوي أدوار المرأة المصرية في مسلسل جعفر العمدة واللي قال عنها إن صورها متنوعة بين الشهامة والجدعنة، وواحدة تانية بتساند جوزها، والتالتة رغم انها اطلقت لكنها حافظت على جوزها في غيابة، لكن كمان في ناس رفضت الصورة السيئة اللي طلعت بها المرأة المصرية في إنها تقبل الإهانة من جوزها عادي.
مش بس كده ده كمان ممكن جوزها يستغل إن ملهاش أهل ويضربها أو يعمل فيها اللي هو عايزة، زيادة بقى على كده الزوجة اللي بتسيب جوزها وبتخلعه وتروح تتجوز المنافس بتاعه عشان تبقى كيداه، وده اللي عملته جوري بكر مع أحمد فهيم في مسلسل جعفر العمدة.
نائب مصري يرفض صورة المرأة في جعفر العمدة
النائب محمد سعد الصمودي، عضو مجلس النواب المصري، قال إن الدراما المصرية فيها صورة مسيئة لصورة المرأة المصرية، مش بس كده ده ضاف إن اللي بيبين الموضوع ده جدا مسلسل جعفر العمدة.
النائب المصري قال إن الصورة اللي رسمها المسلسل للمرأة بتخليها تظهر مش بنفس الطريقة اللي الناس كلها عارفاها، كمان بيصور إن الزواج من زوجة الخصم طريقة واضحة للتعدي على المرأة ومن ناحية تانية بيخليها إنها بتكون أداة في إيد الراجل اللي تزوج زوجة خصمه ده يقدر يعمل في خصمة اللي هو عايزه، يعني بطرقة واضحة أكتر مثلا لما اتجوز شوقي اللي هو الفنان منذر رياحنة الفنانة جوري بكر اللي كانت زوجة سيد الفنان أحمد فهيم وبيقدر بكده إنه يعمل في سيد اللي هو عايزه.
المرأة المصرية تحت سطوة الزوج في جعفر العمدة
النائب المصري موقفش عند النقطة دي في إنه يعترض على المسلسل بتاع جعفر العمدة، لأ ده كمان وضح إن فكرة إن الزوج الثري اللي هو جعفر العمدة أو محمد رمضان يتزوج من واحدة واتنين وتلاتة وأربعة، وكلهم يبقوا خاضعين ليه وبيقبولوا باللي يحصل فيهم دي صورة وحشة جدا للمرأة المصرية.
مطالبة بإيقاف عرض مسلسل جعفر العمدة
كل الأسباب دي النائب المصري حطها قدام البرلمان عشان يقدر بيها إنه يقنع رئيس المجلس إن يطالب بوقف عرض المسلسل، مش بس كده ده عشان يحافظ على صورة المرأة المصرية اللي المفروض إن مفيش أي حد يقدر يتعدى عليها ولا على كرامتها.
