وكشفت فريدة سيف النصر عن العديد من اسرار حياتها الشخصية: «اخواتي عينهم زايغة، ومقدرش أقول لماما لأ، وكانوا بيتجوزوا وأنا بربى العيال، وأنا بحب العيال، أنا بيبي سيتر كنت في المسرح الإسكندرية، وأنا الوحيدة اللي بخلص».
وأضافت: « كنت بخلص، المسرح وبروح على الفندق، والفنانين كانوا عايزين يخرجوا، ولاد محمود عبد العزيز، ولاد الفيشاوي، مي وسارة ولاد نور الشريف، دنيا سمير غانم، والمطربة شذى، وأنا كنت أقعد بكل دول».
وكشفت الفنانة فريدة سيف النصر، عن كواليس دورها في مسلسل «جعفر العمدة» قائلة: « محمد سامي معرفهوش وأول مرة أشتغل معاه، وقولتله انت الكاتب وجايبني ليه ضيفة شرف وليه مصر عليا، قالي كنت عايز حد محترم ميهزقش نفسه وتقيل، قولتله جايبني تهزقني وضحك، والجمل اللي في المسلسل من غير قصد، ورجلي كانت وجعاني ومش قادرة أنزل السلم في المسلسل».
وأضافت:« كنت ببقي واقفة خلال التصوير والديكور يروح واقع على دماغي والإضاءة وقعت عليَّ والمخرج وهو بيرجع لورا يروح راجع على ضافري يطيره والخاتم اتكسر ودخل جوا صباعي».
وتابعت: «اللبيسة بتاعتي طالعة وأنا داخلة أعمل المشهد وتضرب في عيني من غير ما تقصد، وأنا بيحصل لي حاجات مش لذيذة وبحس إنها حسد».
فريدة سيف النصر درست في مدرسة النهضة، انضمت إلى فرقة التمثيل والموسيقى، اكتشفها المخرج حسام الدين مصطفى وهي ما زالت تلميذة ثم اكتشفها جورج سيدهم في فرقة ثلاثي أضواء المسرح، ثم تركت الفن بعض الوقت في تسعينيات القرن العشرين ثم عادت إليه وعملت في العديد من المسلسلات.
أخبار ذات صلة
«جايبنى تهزقنى».. تصريح صادم لـ فريدة سيف النصر عن المخرج محمد سامى
