شنت الفنانة راندا البحيري، هجوم ناري على مهرجان القاهرة السينمائي، بعد تهميشها من الحضور وعدم دعوتها، وذلك في منشور عبر حسابها على “فيس بوك”.
وقالت راندا: “كان فيه ممثلين مبيروحوش مهرجان بلدهم ده و بيهتموا جداً بمهرجانات منافسه في بلاد معندهاش سينما بس علشان هياخدوا فلوس كتير لما يروحوا و كانوا بيروحوا جري و كنت برفض علشان بلدي المهم .. ٢٠٠٤ .. ٢٠٠٥ ..٢٠٠٦ و هكذا و كتير اوي من السنين كنت منتظمه في الحضور و الندوات وغيره لحد ما القائمين علي المهرجان إتغيروا و هوب من ساعتها إتقطعت الأخبار و العنوان الحالي اللي هو نفسه العنوان القديم اللي كان بييجي عليه الدعوات لسه موجود و مبيجيبش عليه اي دعوات .. زي ما يكون حد جه تدخل و مسح اسمي من المدعوين”.
«بيموتوني بالحيا».. هجوم ناري من راندا البحيري على مهرجان القاهرة السينمائي
وأضافت: “وعموماً هو ريحني من وجع قلب الماكياج و الشعر و اختيار فستان مناسب ولائق للحدث.. و بجد بجد انا عند نفسي كبيره اوي اوي و اي مكان مش عايزني هو اللي خسران والله هو اللي خسران مش انا … و ده حصل من سنين كتير اوي وانا عمري ما بروح مكان مش معزومه عليه و لا بروح مكان من غير دعوه علشان كده عمري ما هروح”.
وتابعت: “و البوست ده مش علشان هم يعرفوا ان مبيجيليش دعوه لا البوست ده ردا علي كل الناس اللي بتقول انت ليه مبتشتغليش او ليه مش موجوده علشان الدنيا كده .. انت لو مصاحب الكل و لذيذ و عسل هتبقي موجود و لو مش مصاحب الكل حقك هيتاخد”.
وأكملت: “انا كفايه عليّ اني عامله اكتر من ٥٠٠ عمل فني و ممكن اكتر بين اقل من ١٠٠ فيلم سينمائي و و اكتر منهم مسلسلات اذاعية و تليفزيونيه و مسرح و مشاريع تخرج و دوبلاچ مثلت كتير جدا. و مثلت ادوار كتير بجد التاريخ هيفتكرها مثلت مصر و جبت ل بلدي جوايز خدت دبلومه شرفيه في التمثيل و خدت القاب برا البلد كتير جدا لكوني ممثله مصريه متميزة”.
واختتمت: “يعني مهرجانات شايفاك احسن ممثل ب اعترافهم و جائزتهم بيحاولوا يموتوك بالحيا و شايفين انك خلاص مبقتش موجود او مش متعرفين بوجودك انا كمان مش معترفه بوجودكم ”
