أبناء النجوم دائما محط انظار الجمهور ، يريدين ان يعرفوا الكثير عن حياتهم وماذا يفعلوا بالظبط ، والسوشيال ميديا سهلت الموضوع وأصبح أبناء الفنانين اشهر منهم بسبب التيك توك والفيديوهات والصور التي نراها ليل ونهار .
شام الذهبي بنت أصالة .. اسم سمعناه كتير الفترة الاخيرة خاصة من بعد طلاق أصالة وطارق العريان ومحاولات شام لدعم والدتها ، وبقت شخصية معروفة على السوشيال ميديا رغم انها بعيدة تماما عن مجال الفن والتمثيل والغنا ، لكن بفضل شهرة مامتها أصالة ، بقى ليها هي كمان جمهور
بنت أصالة علاقتها جميلة بمامتها ولفتت ظر ناس كتير، هما زي الاصحاب متحسش انها ام وبنتها ، حتى في لبسهم وصورهم وطريقة كلامهم مع بعض ، وهي بنت أصالة من جوزها الأول أيمن الذهبي.
قررت بنت اصالة تعيش حياة عملية ومهنية بعيد حالص عن الوسط الفني بتاع مامتها، درست الصيدلة وكملت دراستها وعملت دكتوراه في الكيميا في جامعة كامبريدج في لندن، ورجعت فتحت مركز تجميل خاص بيها ، وبقت دكتورة جلدية وخبيرة في عمليات التجميل والعناية بالبشرة.
شام ظهرت مرة مع اصالة في برنامج منى الشاذلي وقالت انها شغالة على كريمات الجلد والكولاجين ، ووعدت أصالة انهاهتخترع لها كريم يخليها تفضل صغيرة وحلوة.
أما بقى عن حياتها الخاصة ، ورغم ان سنها 30 سنة بس لكنها حياتها الاجتماعية وعلاقاتها مش مستقرة ، اتخطبت مرة واتجوزت مرتين ومعندهاش أطفال حتى الآن.
أول مرة اتجوزت فيا شام كان سنة 2014، وجمعتها علاقة حب برجل الاعمال المصري احمد الجوهري اللي شغال في المجوهرات والالماظ ، وكانت شام وقتها صغيرة يدوبك 22 سنة ، وفضلت متجوزاه 4 سنين وبعدها انفصلوا بهدوء سنة 2018 ومقالتش اي اسباب للانفصال تماما.
وفي سنة 2020، اتخطبت شام الذهبي لدكتور جلدية مصري اسمه معتز نصير، واتعرفت عليه طبعا من خلال شغلها ، وهو دكور متخصص تجميل وليزر، وفضلوا مخطوبين شهور قليلة لكن فركشوا الخطوبة في نفس السنة ، وبرررضه مقالتش اي اسباب
المرة التالتة بقى واللي هي الحالية ، اتخطبت لرجل اعمال مصري وهو احمد هلال اللي ماسك شركة هلال للأدوات المنزلية وكمان شغال في المقاولات ، اتعرفوا على بعض في 2021 ، وحبوا بعض واتجوزوا في 2022 ، وعملوا فرح ضخم جدا في فندق كبير بالقاهرة وده كان اكبر من فرحها الاول.
وحضر فرح شام مجموعة كبيرة من النجوم والمشاهير منهم تامر حسني و بسمة بوسيل ورضوى الشربيني وكندة علوش
وفي فرح شام ده كانت اصالة اتجوزت فائق حسن واللي كان حاضر الفرح مع طليق اصالة وابو بنتها شام ، و البنت رقصت مع باباها ومامتها وجوز مامتها فائق بشكل طبيععي من غير اي توتر ومشاكل في الفرح ، فيبدو كدا ان علاقة اصالة بطليقها ايمن والد شام بقت عادية وطبيعية ومفهاش اي نوع من المشادات خاصة وانه مرو وقت طوووويل على طلاقهم واتجوزت اصالة بعده مرتين.
