حلت الفنانة جيهان قمري، الساعات الماضية، ضيفة في برنامج “قعدة ستات” مع الإعلامية مروة صبري على شاشة قناة “اليوم”
وخلال اللقاء، تحدثت جيهان قمري عن تفاصيل زيجتها الوحيدة التي انتهت بالطلاق، وقررت بعدها عدم خوض تجربة الزواج مرة أخرى.
جيهان قمري تكشف أسرار صادمة عن زواجها
وقالت جيهان:”أنا كنت متجوزة مدني في قبرص فأنا اللي عملت الورق كله وانا اللي سافرت ولغاية النهارده انا اللي معايا الورق كله معهوش ورقة واحدة تثبت إننا اتطلقنا”.
وتابعت: “مطلعش راجل بمعنى الكلمة للأسف راجل بيمد إيده على ست وتقريبًا كان عنده نقص بيعوضه بحاجة تانية ده بالنسبة لي مش راجل”.
وأكملت: “ومكنش ينفع أكمل عشان أخلي الحياة تستمر، مش مستاهلة وصلت لمرحلة إني مش مستاهلة عشان أكمل ويربطني بيه حاجة”.
وأضافت: “الموضوع خلص خلاص بقاله 6 سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا 6 شهور.”
واختتمت: ” كانت تجربة وحشة وندمانة عليها، ندمانة إني قمت بالتجربة دي للأسف، التجربة عملتلي حالة بلوك لأي حد في حياتي للأسف”.
