حلت الفنانة رانيا يوسف، الساعات الماضية، ضيفة في برنامج The Blind Date Show، والذي أدلت فيه بتصريحات جريئة عن زيجاتها السابقين.
وخلال اللقاء وجه المذيع سؤالا لرانيا عن امكانية الزواج للمرة الرابعة.
تصريحات جريئة من رانيا يوسف
من جانبها ردت رانيا وقالت: “اتجوزت 3 مرات وأول زيجة هي الأنجح بالنسبالي، إنما الاتنين الباقيين مكنوش ناجحين، ولسه عندي أمل في الزواج تاني، وبناتي مشجعيني إني أجرب تاني، وعلاقتي بـ أبو بناتي مش كويسة خالص وكنت أتمنى إننا نفضل صحاب.”
وأضافت: “وارد أحب EX صاحبتي (حبيب صاحبتي السابق)، بس على حسب هما منفصلين بقالهم قد إيه، لو من فترة طويلة معنديش مشكلة، وصاحبتي أول واحدة هعرفها، ولو منفصلين من قريب مش هفكر فيه لأن الدنيا مبتقفش على حد.”
كما تحدثت عن علاقتها ببناتها قائلة: ” بناتي مشجعيني إني أجرب، ولو رايحة معاد مع شخص هما اللي بيختاروا لبسي، وهما شوية متفتحين في اللبس، وأنا بحب ألبس اللي يليق عليا سواء قصير أو طويل أو مفتوح أو مقفول على حسب.”
وفي وقت سابق، شنت رانيا يوسف هجومًا على طليقها المنتج محمد مختار، قائلة: “يعني معاك 15 ألف، وممعاكش مستندات بفلوس المدارس اللي بتدفعها؟! الـ 15 ألف دول تصرفهم على القطط اللي بتأكلهم في الشارع.”
وتابعت:”قبل أن أكون فنانة، أنا أم ولدي ابنتين ودائمًا أحلم لهما بمستقبل أفضل وبحقوق ومساواة في قضايا المرأة، وخصوصا فيما يتعلق بالزواج والطلاق”.
وأضافت: “من خلال تجربتي الشخصية في قضايا الطلاق ومحاكم الأسرة لمست أوجاع الملايين من النساء اللاتي يسعين وراء الفتات من أزواجهن السابقين حتى يتمكن من رعاية الأطفال.. وفي العديد من الحالات تيأس الزوجة من الحصول على نفقتها المشروعة.”
اقرأ ايضا:
في عيد ميلاده.. أشرف زكي يكشف مفاجأة عن الحالة الصحية لـ عادل إمام
