حالة من الجدل الواسع أثارها الناقد الفني طارق الشناوي، الساعات الماضية،بعد تصريحات جديدة له بشأن أسباب خلافه، مع الفنان مصطفى قمر.
وقال طارق الشناوي في تصريحات صحفية: “أقسم بالله عمري ما التقيت بيه، بيدّعي قصة وهمية عشان يبرر موقفه، أنا انتقدته كتيرا، وفي آخر أفلامه أين قلبي قلت عنه أين فيلمي؟”.
تصريح صادم جديد من طارق الشناوي عن مصطفى قمر
وتابع: “مصطفى ادّعى قصة إننا نعرف بعض، وفي بدايته قلت عنه إنه مشروع نجم مطرب، لكن بعدها خذلنا وتساقط سريعًا، عمل أعمال رديئة، نجاحها مش موجود.”
وكانت حالة من الهجوم الشديد شنها الناقد الفني طارق الشناوي، على الفنان مصطفى قمر بسبب فيلم “أولاد حريم كريم”.
وقال الشناوي خلال تصريحات لـ”إي تي بالعربي”:”مصطفى قمر في عز فشله كمطرب قرر أنه يعمل الفيلم واللى اشتغل معاه الجزء الثاني الحريم اللى مش مطلوبين أوي في السينما”.
من جانبه، رد مصطفى قمر الناقد عبر انستجرام قائلًا: “هو أنا مش طلبت منك تبعد عني أصلًا وماتتكلمش عني علشان ماتتهزأش طيب انت اللي جيبته لنفسك”.
وتابع: “عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني”.
واختتم: “فكرني كدة شغلتك ايه….؟…. هي من اريع حروف بيتهيألي”.
