كل فترة يتصدرو التريند، وبعد ما قالت اتجوز قرد ومرجعلوش، شيرين عبدالوهاب عادت من جديد لحسام حبيب لكن ما سر بوست حسام حبيب ومدير أعمال شيرين؟، وهل هي مختفية؟ كل هذ سنعرفه في التالي
الفنانة شيرين دايما بتثير الجدل، مرة تطلع مش قادرة تصلب طولها وهي بتغني، ومرة تانية تطلع تقول إن حسام حبيب مش جوزها ولا عاوزة تعرفه، ومرة تحلق شعرها خالص، وأخيرا موضوع احتجازها في مصحة، ومابين طلاقها وجوازها بحسام حبيب الناس تايهة ومحدش عارف الحقيقة فين.
حبيب بيحب شيرين
الفنان حسام حبيب طلع من شوية وكتب بوست للفنانة شيرين «بحبك أد الدنيا»، وبكدة يكون نفى أي انفصال جديد بينهم، وخصوصا بعد الاشاعات الأخير اللي طعلت عنهم بسبب إن شيرين مش عاملة متابعة لحسام على الانستجرام.
نفي خبر انفصالهم
ومش بس حسام حبيب اللي طلع ونفى الانفصال، كمان إيهاب صالح مدير أعمال الفنانة شيرين طلع ورد على كل الناس اللي بتساله عن انفصال شيرين وحسام حبيب، وقاله إنها مش بتتابع الفيش بوك، وكمان مش هي اللي بتنشر على حساباتها بمواقع السوشيال ميديا من بداية السنة الجديدة.
شيرين بتحضر ألبوم جديد
كمان شيرين خرجت بنفسها قيل بداية شهر رمضان وقالت إنها منفصلتش عن حسام حبيب ولا حاجة، ولكن مشغولة في ألبومها الجديد، واللي فعلا هي خلصته، مش بس كده شيرين كمان قالت بلاش الناس تلفت للي عاوزين يخربوا حساتها وياريت يهتمو بأغانيها أفضل.
بداية الخلافات
بداية الخلافات بين شيرين وحسام حبيب كانت بالتسجيل اللي اتنسب لوالده، وكان بيلمح لجوازه من ست تانية، لكن حسام مسكتش وخرج وقال إن ده تسجيل متفبرك من الناس اللي عاوزة تدمر شيرين عبد الوهاب.
لكن بعدها بفترة شيرين عبدالوهاب خرجت وقالت إنها انفصلت عن حسام، واتهمته بانه ابن أمه، وشخص دلوعة، مش بس كده شيرين كمان اتهمت حسام بإنه عاوز كلامه يمشي عليها بالعافية، وبعدها ظهرت وهي خالقة شعرها خالص، وسألت الناس هل ياترى هيقبلوها بالشكل ده، لكن الناس وقتها اتهمو حسام حبيب بإن هو اللي عمل ده.
وفجأة ومن غير مقدمات وبعد ماقالت اتجوز قرد ومرجعش ليه تاني، شيرين أول ماحسام دخل عليها وقالها هنرجع لبعض دلوقتي قالتله اللى تشوفه ياسي حسام.
شيرين عاوزة تتوب من حسام
كمان شيرين قالت عاوزة أستغفر ربنا من كل حاجة عملتها، على الكذب اللي كذبته عشان أخلي صورته حلوة، مش بس كده كمان شيرين عشان بنت أصول كانت عاوزة ترفع من شأن حبيب، عشان يتجوز واحدة غيرها ويبعد عن حياتها.
وكملت شيرين كلامها في برنامج من البرامج وقالت إنها ست قاعدة في أمان الله مع بناتها، وإنها سافرت الساحل عشان يغيروا جو لأنهم تعبوا جدا الفترة الأخيرة، مش بس كده دي قالت إن حسام حبيب مش بيشتغل تقريبًا، وإنها بسببه محبوسة 24 ساعة فى أوضة النوم مش بتعمل حاجة، وإنها اللي باللي عملته ده غلطت فى حق نفسها.
كمان قالت إن حبيب كان شبه مبيخرجش من البيت ولا بيشوف أهله ولا أصحابه وكل همه يمتلكها، بس بالرغم من كده هي كانت صابرة لأنها كانت معتقدة إنها بكدة بتحافظ على بيتها.
لكن شيرين وبالرغم من كل التصريحات دي رجعت لحسام حبيب تاني، يا ترى كان الحب هو السبب ولا إيه؟، هنستنى رأيكم في التعليقات.
