خبر مفاجيء وصادم تابعه جمهور السوشيال ميديا وتحديدا تيك توك خلال الساعات الماضية، وذلك بعد إعلان وفاة البلوجر دينا صبحي، فمن هي؟ وما سر شهرتها؟ تابعونا لمعرفة أهم التفاصيل عنها.
حوالي ربع مليون متابع على انستجرام اتفاجئوا من يومين بستوري على بروفايل البلوجر دينا صبحي. مكتوب فيها ادعوا لصاحبة الأكونت ده انتقلت إلى رحمة الله دينا صبحي
طب ازاي؟ وليه؟ .. وحصل امتى محدش عارف.. دينا البلوجر المحجبة اتوفت والأدمن اللي ماسكة صفحتها أخفت كل بوستاتها.. وبتطلب من الناس إنها تدعيلها بس.. وكل قرايبها على الفيسبوك كتبوا بوستات يأكدوا الخبر ويطلبوا الدعاء لوالدتها بالصبر بس محدش اعترف بايه اللي حصل.. والسبب لوفاتها المفاجئة ايه بالظبط
دينا صبحي هي بلوجر مشهورة جدا على انستجرام وتيك توك.. اشتهرت بفن إعادة التدوير.. بتقدم محتوى خاص عن الموضة والأزياء والميك أب.. وازاي تستخدمي حاجاتك القديمة من تاني
الصدمة وعدم الاستعياب سيطروا على البلوجرز الاسكندرانية صحاب دينا.. وكلهم حاولوا يشاركوا في دفتر عزاء ليها.. وسموها عروس الجنة.. اللي اتخطفت منهم فجأة من غير أي سابق إنذار
طبعا دينا في منها كتير اليومين دول على السوشيال ميديا.. بنات محجبات كانوا محتاجين فلوس وعاوزين شهرة وفي نفس الوقت عندهم موهبة تنسيق الملابس ونصيحة البنات باللبس الحلو.. وايه يليق على ايه وكده
ومع الوقت المحتوى ده جاب مع الناس جدا وبقوا متابعين جيدين.. فا زادت شهرة دينا صبحي وبقت من أهم الناس اللي بتقدم المعلومات دي بطريقتها الخاصة
وزي ما بيقولوا إن الشخص اللي بيقرب يتوفى بيبقى حاسس بقرب الأجل.. دينا كانت حاسة.. وآخر حاجة كتبتها على فيسبوك عندها.. هو شير لمقطع فيديو فيه آيات قرآن.. للتحصين عند الموت
ورغم إن الخبر عدى عليه يومين إلا إن صحاب دينا عاملين عزاء لوحدهم على السوشيال ميديا.. ولسه حالة الصدمة مسيطرة عليهم.. البنت كانت في بداية حياتها ونجاحها… وكانت عندها أحلام وطموحات اتحطمت كلها على صخرة الموت
دينا صبحي كانت من مواليد عام 1995 بمحافظة الإسكندرية.. اتخرجت من كلية العلوم .. وبعدين اشتغلت في مجال الموضة والأزياء من خلال السوشيال ميديا
سبب شهرتها في المجال ده إنها كانت بتقدم مقاطع فيديو للمحجبات تساعدهم في تنسيق الملابس والألوان.. وده لإن كان عندها خبرة في مجال الموضة والأزياء
وظهرت دينا في برامج تلفزيونية كتير تتكلم فيها عن أحدث صيحات الملابس والألوان «التريند».. وازاي البنات يقدروا يعيدوا تدوير الملابس.. زي ما كانت دايما بترفع الشعار ده.
