علقت الإعلامية مفيدة شيحة، على حالة الجدل التي أثارتها أسما شريف منير بعد قص شعرها وظهورها في مهرجان القاهرة للدراما، وذلك خلال برنامج “الستات” المذاع على قناة “النهار”.
وقالت مفيدة شيحة: “لما أسما شريف منير طلعت وقالت هحلق شعري علشان مجهد وبايظ أقسم بالله كنت بفكر في نفس الطريقة دي وقلت لو بعد الصيف هحلقه إيه اللي هيحصل يعني”.
تعليق غير متوقع من مفيدة شيحة
وأضافت: “أسما أنا شيلت هم حلق شعري وأنتِ شجعتيني وحفزتيني، وعايز أقول لها أنتِ قمر واحنا مع الحرية الشخصية ومش هي اللي ركبت التريند الناس اللي خلوها تركب التريند”.
وتابعت:”احنا مش فاضيين أوي نفكر بلوك حلق الشعر علشان نركب التريند”.
وكشفت أسما عن السبب الحقيقي وراء قيامها بهذا الفعل قائلة: «شعري بقاله فترة بيقع جامد، ده غير أن من كتر العمايل اتحرق وبقي مش صحي خالص، غير الغده وتأثرها عليه”.
وأضافت: “قررت انفذ قرار كان بقالي كتير اوي نفسي اخده، ابدًا من جديد، احرر نفسي، افتح صفحة جديدة، حقيقي هو قرار صعب جدًا بس حسسني بقوة وتفاؤل».
وتابعت: «رميت ورايا حاجات كتيرة اوي بمجرد اني شلت شعري، قلبي كان بيدق جدًا وبعديها حسيت اني مليانا ادرينالين.. خطوة جريئة ومرعبه بس حسه اني طالعة منها بدرس».
