قالت الفنانة لقاء الخميسي:”أرفض الحرية الشخصية فيما يتعلق بتغيير الشخص هويته الجنسية، والتحول الجنسي من ذكر إلي أنثى أو العكس، إلا لو كانت هناك مشكلة طبية معينة وقتها يكون ذلك الأمر مقبولا”.
ولفتت خلال الجزء الثاني من لقائها ببرنامج “أسرار” الذي تقدمه الإعلامية أميرة بدر بقناة “النهار”:”لو ابني جاء قاللي أنا هساكن واحدة وأعيش معاها من غير جواز، هقوله طبعا لأ، وغير مقبول طبعا”.
وأضافت لقاء الخميسي:”الحرية لها حدود، ولكن اقدر اسيطر علي العائلة اللي معايا واخلي ابني يقرأ القراآن ويعرف الصح والغلط، إنما مقدرش أسيطر علي تصرفات الآخرين”.
وأشارت:”ليا صديقة محجبة وفضلت محجبة وأنا بشجعها علي كده وهي صديقتي الصدوقة وبموت فيها، وأقرب صحاب ليا محجبات من وإحنا في أولى إعدادي”.
في نفس اللقاء، قالت الفنانة لقاء الخميسي:”كان عندي خطيئة الغضب جامد أوي وأنا صغيرة، وابتدت تقل شوية، ودلوقتي بحاول أسيطر علي نفسي، ومنذ سنة ونص بقول خدي نفس طويل، ولما بقيت ألعب رياضة الأمور بقت أفضل”.
وأضافت:”اكتر لحظات الغضب كانت مع ابني الكبير، هو اكتر واحد ممكن ينرفزني، واتنرفزت عليه اكتر من مرة، وساعات بكون مجنونة ومبحسش بنفسي واحدف حاجات عليه”.
وتابعت لقاء الخميسي:”ابني الكبير مد ايده عليا وقعدت اعيط 3 أيام ومقدرتش عليه وصعبت عليا نفسي، وبعدها أوسة جاء واتكلم معاه واعتذرلي وباس راسي”.
مقالات أخرى قد تهمك
سلاف فواخرجي تكشف حقيقة إقامتها مع طليقها بمنزل واحد
مشهد رقص لقاء الخميسي يثير ضجة.. والفنانة تكشف عن رد فعل زوجها
