كشف الفنان محمود عامر، عن الهدية التي أعطاها لزوجته، تزامنًا مع عيد الحب، الذي يوافق اليوم 14 فبراير.
وقال محمود عامر، في تصريحات صحفية: جبتلها وجع القلب من اللي بيحصل، وأحنا في الهاني مون وهي مش مبسوطة خالص، والمفروض عروسة زيها تكون مبسوطة، بس كلام الناس والسف اللي بيحصل ده كتير والكلام ده بيجرحها ويوجعها.
وفي السياق ذاته كان رد محمود عامر على منتقدي زواجه، قال: أي اللي يضايق الناس في إني اتجوز، أنا مش قادر أفهم، أنا مخضوض وبحب الناس وبحب أسعد كل الناس، فـ ليه الناس مستكترة عليا أني أسعد بحياتي الخاصة.
وتابع محمود عامر: أن هناك حكمة تقول من حسن خصال المرء تركه ما لا يعنيه، معلقًا: أنت كزميل أو واحد بتابع فنان أي ذنب الفنان أن يسمع كلمة لا تليق أو فيها عدم الاحترام، البيوت مقفولة علي بعضها فأنت كمتابع يا تقول كلمة طيبة وتبارك يا متتكلمش.
