حالة من الجدل الواسع، أثارها المنتج جمال العدل، بعد إعلانه عدم العمل مع الفنانة نيللي كريم مجددًا في المواسم الرمضانية بعد مسلسل عملة نادرة الذي عرض في الموسم الرمضاني الماضي.
وقال جمال العدل في لقاء مع إي تي بالعربي: “اتفقت مع نيللي من قبل رمضان إننا مش هنشتغل رمضان تاني مع بعض بعد مسلسل عملة نادرة، ومفيش مفاجأة لا ليها ولا ليا، وأنا وصلتها لحتة في منتهى الجمال.”
جمال العدل يعلن عدم تعاونه مع نيللي كريم
وأضاف: “بالنسبة لي حلو يبقى معاك نجم سنين طويلة وتفكر له وتعمل له، ولكن حلو أكتر أنه يكون معاك نجوم كتير تختار لها وتشوف الموضوعات اللي تعجبها وهي كمان يبقى معاها شركات تاني كتير.”
فيما كشف جمال العدل حقيقة انزعاج نيللي كريم من ظهورها خلف محمد رمضان في أفيش فيلم “ع الزيرو”.
وقال: “نيللي كريم متصورة ورا محمد فراج على أفيش مسلسل ضد الكسر، وفراج لما طلب يطلع معاها على الأفيش وقتها أنا ما رضتش وقلت له هي أهم بكتير ولكن هي رضيت”.
وتابع: “أنا بتكلم بالمنطق لما تتصور زي شوية شباب صغيرين وفراج قدامها، هتزعل أنها اتصورت ورا محمد رمضان هل راسه أعلى من راسها؟”.
كما علق على عدم حضور نيللي العرض الخاص للفيلم، وكذلك عدم ترويجها للعمل، قائلا: “كنت أحب أنها تروج للفيلم ولكن لو روجت هيجيب إيرادات أعلى؟ كان فيلمها مع فراج حقق إيرادات.”
