الفنان سعد لمجرد حاليا يقضي فترة قاسية من حياته سواء على المستوى الإنساني أو المهني، أو حتى الجانب النفسي والذي تمدر بشكل كبير جدا بسبب الظروف الصعبة التي يمر بها واحتجازه حاليا داخل أحد السجون في فرنسا نتيجة تهمة هو ينفيها ولكن القضاء الفرنسي يرى عكس ذلك، وكان له وجهة نظر أخرى.. ولكن حصل تطورات مهمة خلال الساعات الأخيرة.
الفنان سعد لمجرد النجم المغربي الشهير طبعا واللي كلنا عرفناه جدا من خلال أغنية «انت معلم» وكمان أغنية «إنساي» مع النجم حمد رمضان، و«من أول دقيقة» من النجمة إليسا، حاليا بيقضي فترة سجنه داخل احد السجون في فرنسا لمدة 6 سنين بتهمة التعدي جنسيا على بنت فرنسية سنة 2016.
خلال الفترة المتواجد فيها سعد لمجرد في السجن بتطلع بعض الشائعات وكان آخرها محاولة إنه ينهي حياته، وده اللي نشرته بعض الصحف المغربية على لسان محامي سعد لمجرد.
واللي رد على الكلام ده هي غيثة العلاكي، ودي البنت اللي اتجوزها الفنان في سبتمبر 2022 ودي صديقته من زمان، ومن أقرب الأشخاص ليه، وكانت أول شخص اتصل بيه لما تم توقيفه أول مرة عشان تيجي وتدافع عنه، لأنه شايف إنها عندها خبرات في التعامل مع الأزمات دي، وبالفعل شوفنا غيثة معاه في جلست المحاكمة، وبتدعمه طول الوقت.
الحقيقة إن الشائعة اللي خرجت هزت قلوب محبين سعد لمجرد، وكمان قلب غيثة نفسها واللي واضح إنها مش على تواصل دائم ومتعرفش بالظبط الأحداث اللي بتحصل، ولكن غيثة بعد شوية ردت على الكلام ده على حسابها على إنستجرام عشان تنتهي الجدل حوالين النقطة دي.
غيثة نزلت صورة ليها هي وسعد لمجرد على حسابها على إنستجرام، وكتبت عليها: «فرحانين لأننا عرفنا إنك بصحة جيدة: الحمد لله»، وبكدة بتقفل زوجة سعد لمجرد كل الجدل اللي كان حاصل حوالين أنباء محاولة إنه ينهي حياته، وبتنفي تماما اللي اتنشر في الصحف المغربية.
وغيثة نفسها طالتها قبل كدة شائعات إنها حاولت تنهي حياتها بعد صور حكم على سعد لمجرد، بالسجن لمدة 6 سسن، خصوصوا إن هما لسة متجوزين جديد يعني، وشايفاه فارس أحلامها، ولكن باردو نفت الكلام ده وأكبر إثبات إنها لسة عايشة أهو.
وخلال اليومين اللي فاتوا احتفلت غيثة بعيد ميلاد سعد لمجرد، ونزلت صورية ليهم على فيديو على إنستجرام، وكتبت عليها «ليس هناك شك في أن المسافة يمكن أن تكون صعبة على العلاقة، لكنني أريد أن أطمئنك أن المسافة لا يمكن أن تضعف حبي لك..أنت في قلبي للأبد».
حاليا قضية سعد لمجرد في مرحلة الاستئناف، وربما الحكم يتغير أو يزيد أو يقل محدش عارف الأيام الجاية هيكون فيها ايه، ولكن المهم دلوقتي إن سعد لمجرد بخير ومازال على قيد الحياة.
