حلت الفنانة عايدة رياض، الساعات الماضية، ضيفة في برنامج “واحد من الناس” مع الاعلامي عمرو الليثي، والذي كشفت فيه عن العديد من أسرار حياتها الخاصة.
وكشفت عايدة رياض عن تفاصيل سجنها ظلمًا قائلة: “البوليس جيه البيت وقابلوا محرم فؤاد وقالوا له إنهم مسكوا بنت معاها 100 دولار مزيفة وبتقول أنها وخداها من مدام عايدة رياض”.
حبس عايدة رياض بالسجن يهز مواقع التواصل
وأضافت: “وطبعًا محرم صدق ونزلنا روحنا هناك، ومحرم تفاجئ بمكالمة من زوجة مخرج”.
وتابعت: “اللي بتضايق منه أنه بيتقال على السوشيال ميديا دي جايبينها من فيلا وحاجات رهيبة جدًا وكلام ظلم في ظلم وكان نفسي الناس تتحقق قبل ما يظلموني، ويرجعوا لمديرية الأمن ويعرفوا أنا كنت فين”.
وأكملت: “القصة كلها كانت متلفقة .. أنا مكنتش حاسة بالدنيا كأن قطر خدني، ده مش ظلم بسيط ده ظلم لكل عيلتي وأهلي”.
وأضافت عايدة رياض: “محرم فؤاد اتخانق مع الضابط وده السبب إني أتأخرت في المديرية، وناس حقوقيين بعد الثورة كلموني وقالوا لي ارفعي قضية وخدي حقك ورفضت وقولت ليهم البلد في إيه وانتوا بتقولو إيه، ومحرم وقف ترافع عني أمام القاضي في المحكمة”.
