حالة من الجدل الواسع شهدتها مواقع التواصل الاجتماعي، الساعات الماضية، بعد تداول أنباء تفيد بدخول الفنانة شيرين عبد الوهاب لمصحة نفسية.
من جانبه، نفى طليقها الفنان حسام حبيب، كل تلك الأنباء، مؤكدا أنها شائعات لا أساس لها من الصحة.
حسام حبيب يكشف مفاجأة بشأن دخول شيرين مصحة نفسية
وقال حسام حبيب : “كل دا كلام غلط، شيرين كويسة وزي الفل، هي بس حالتها النفسية وحشة بسبب اللي عملوا اخوها فيها”.
وتابع حسام حبيب : “أنا طبعا بشكرها أنها وضحت للناس إني كلامي صح، وكمان مبسوط جدا أنها طلعت اتكلمت، مش عشان اتكلمت عني لا خالص، ولكن عشان طلعت وتحررت، لأني عارف الضغط النفسي اللي عليها عامل إزاي الله يكون في عونها ” .
وكان الفنان حسام حبيب، رد على البيان الذي أصدرته طليقته الفنانة شيرين عبد الوهاب، بشأن أزمة التسجيلات الصوتية المسربة له، وذلك من خلال القاهرة 24، قائلًا: ربنا يقف معاكي ويجبلك حقك وينصرك على أي حد ظلمك، وأنا كنت دائما بسيبها على ربنا وعارف أنه أكيد هيجيب حقي وأكيد هيجيب حق أي حد مظلوم، وطبعا كتر خيرها، وكان لازم كلنا نسمع منها الكلام ده لأن من حقها أنها تكلم وتقول.
وأضاف حسام حبيب: الناس لازم تفهم ليه شيرين متوقفة إنها تنزل أي حاجة على يوتيوب، وممنوعة من ممارسة حقوقها على منصاته واللي منعوها مش بس مستفيدين ماديًا، وكمان منعوها عن الشغل ومن التواصل مع جمهورها يعني بيضربوها في مقتل لأن الفنان إيه غير التواصل مع جمهوره.
اقرأ ايضا:
“هتحبسي أخوكي”.. منشور صادم من شقيق شيرين بعد تقديمها بلاغ ضده
