كشف عازف الكولة عبد الله حلمي، تفاصيل وضعه الصحي بعد العملية الجراحية التي أجراها قبل 3 سنوات لاستئصال الحنجرة؛ إذ كان يعاني من مرض سرطان الحنجرة، ويستعين حاليًا بجهاز يدوي يساعده على النطق.
وأعرب عبد الله حلمي عن استيائه من زملائه بالوسط الفني لعدم سؤالهم عليه، وبالأخص محمد منير وعلي الحجار، مشيرًا إلى أنه عمل معهم لسنوات طويلة ولمدة 45 سنة طيلة مشواره الفني.
وقال عبد الله حلمي في تصريحات صحفية: عملت عملية في زوري من 3 سنين، وخلاص سبت الفن والعزف مبقاش ينفع، وعلي الحجار ومحمد منير مش بيسألوا عليا، ولا حد فيهم جالي المستشفى وقت تعبي، وكل واحد بيعمل بأصله، ولكن لما كنت مشهور وبصحتي كان كل الناس حواليا، وبقول حسبي الله ونعم الوكيل.
وأضاف عبد الله حلمي: دلوقتي قاعد في البيت مش بعمل حاجة غير إني بروح الجامع وبصلي، ومستنيهم يكرموني في دار الأوبرا، وبحمد ربنا وبقول الحمد لله دايمًا.
