رد المطرب رامي صبري، على اتهام الفنان عمرو مصطفى له بسرقة لحن أغنيته “رقصة”، خلال لقائه ببرنامج “أجمد 7″، المذاع على إذاعة “نجوم إف إم”.
وقال رامي صبري: “أنا مبحبش أتكلم عن زملائي بشكل سلبي، وعمرو المفترض إنه عشرة كبيرة وصديق واحنا أصحاب وعلشان فيه بيني وبينه عشرة مش هرد بطريقته اللي معجبتنيش واللي اتهمني فيها بالسرقة”.
«هخليك متشتغلش تاني».. خناقة نارية بين رامي صبري و عمرو مصطفى على الملأ
وتابع: “مش رامي صبري اللي يسرق لحن ولو هو يعرفني كويس مش هيتهمني الاتهام ده ممكن يكون فيه توارد أفكار وفيه 10 ألحان ممكن يكون فيهم جملة شبه التانية”.
وأضاف: “ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق ويتهمني بالسرقة، عيب يتهمني بالإتهام ده، أنا مكانتي مش صغيرة في الوسط”.
وتابع: “أنا لو مركز معاه هاحبسه بالقانون ولكن أنا بكبر دماغي، أنا مش بتاع خناقات ولا دي طريقتي ولا هرد عليه بطريقته وهقوله ربنا يهديك وأنا شايف انك تشتغل اكتر وتعمل حاجات كتير زي ملحنين كبار تانيين زي عزيز الشافعي ومدين مش مركزين في اللى انت بتعمله”.
واختتم: “أنا لو عندي مشاكل نفسية مكنتش خليتك تغني أو تشتغل تاني بالقانون لأني دارس ومتخصص وهو زي التلميذ بالنسبة لي وأنا الأستاذ وهو خريج حقوق ولكن هعديها علشان مراته ست محترمة وأولاده زي أولادي”.
