وجهت الفنانة بدرية طلبة، رسالة نارية للإعلامية ياسمين عز، وذلك في فيديو نشرته عبر صفحتها الرسمية على موقع التواصل الإجتماعي الشهير “فيسبوك”.
وقالت بدرية طلبة: “إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف”.
«دلع مرق».. بدرية طلبة توجه رسالة نارية لـ ياسمين عز
وأضافت: “مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت”.
وتابعت بدرية طلبة: “أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير”.
وأكملت: “والله يا ياسمين يوم ما كنت يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا”.
لمشاهدة الفيديو من هنـــا
وفي وقت سابق، قالت ياسمين عز في برنامج كلام الناس: “في سؤال بتسأله كتير غالبًا من واحدة بتقول لي كلامك بيعجبني بس صوتك سهتان، شوفي يا روح قلبي أنا صوتي خامته شتوية لأن في أصوات شتوية بتكون ناعم ودافي ونيمان أو نعسان”.
وتابعت: “أما الصوت الصيفي بيكون عالي وحاد ومصحصح طول الوقت ومش بيفصل.”
وأضافت ياسمين عز: “النوع الأفضل بدون انحياز وبكل تواضع خامة الصوت الشتوي.. مش بس لأنه دافي وناعم لكن أول ما بتحبي وتخطبي بتحولي صوتك للشتوي وبعد الجواز يرجع لحالته الطبيعية.”
وأكملت: “في ناس أول ما البنت تتخطب أو تتجوز يقولولها خليكي على طبيعتك.. اوعي تسمعي كلامهم.. خليكي مع الناس جعفر ومع جوزك أو خطيبك أنعم ما يكون”.
اقرأ ايضا:
صورة لـ ياسمين عز بـ«ملابس المدرسة» تصدم الجمهور.. «مش هتصدق شكلها»
