أعلن الفنان شريف إدريس، أنه تعرض لوعكة صحية مفاجئة خلال الساعات الماضية، ونقل على إثرها إلى المستشفى.
وقال شريف، عبر حسابه الرسمي، بموقع فيسبوك: صباح الخير.. شكرا من قلبي لكل الحبايب اللي بيحاولوا يتطمنوا عليا من إمبارح وبعتذر عن عدم ردي.
وتابع شريف إدريس: باختصار شديد بقالي فترة ضهري تاعبني ومأثر على رجلي لأن عندي انزلاق غضروفي في الفقرات القطنية وأهملته.
وأضاف:وكنت بستحمل وماشي بمسكنات، إمبارح كنت بجيب حاجات للبيت مع مراتي وبدأت أتعب بشكل غير طبيعي وفجأة حصلي تخشب تام في الجزء السفلي مع كل أنواع الألم اللي ممكن تتخيلوه.
وأوضح: حاولت أتحمل واخد مسكن لكن الوضع تحول إني في لحظة حسيت إن ضهري هيتكسر حرفيًا وألم في جميع أطراف رجليًا الاتنين ودموعي نزلت من كتر الألم حقيقي.. روحت مستشفى عملوا آشعة مبدئيأ، والدكتور قالي أنا كنت هدخلك تعمل رنين بس من اللي شايفه من الآشعة مش هينفع ومش هتقدر تستحمل حتى جهاز الرنين ووراني شكل عضلات ضهري وهي تشنج حرفيا.
واختتم شريف إدريس حديثه: علقولي محاليل مسكنات وكتبلي أدوية أمشي عليها لمدة خمس أيام راحة تامة وبعد كده أعمل رنين وأبدأ رحلة علاج، بس بأمانة أنا شفت وحسيت بألم لا يمكن وصفه نتيجة التهاب حاد في الأعصاب.. الحمد لله على كل شيء بشكركم جميعا.
