نفى المخرج رامي إمام، الشائعات التي تطارد والده الزعيم عادل إمام، حول تدهور حالته الصحية.
وقال رامي إمام: “ الزعيم يتمتع بصحة جيدة ويستمتع بوقته مع أحفاده طبعا بيسمع الشائعات وبيتأثر بيها بشكل كبير، لكن هو فاهم كويس أوي ايه اللي بيتقال وازاي وعشان خاطر ايه”.
رامي إمام يكشف مفاجأة عن حالة الزعيم الصحية وعن اعتزاله
وأكد نجل الزعيم خلال لقائه ببرنامج “ET بالعربي”: “ أنا مش بطلع أطمن حد عن صحة الزعيم لأن الحمد لله هو مفيش حاجة، وكلها شائعات طول الوقت احنا بنسمعها ودا عادي، احنا اتعودنا على دا، من أول ما كنت أنا صغير وسارة أختي ومحمد طول الوقت متعودين على الشائعات”.
وأضاف: ” احنا مثلا كنا نروح نسكن في شقة صغيرة، فجأة يقولك العمارة دي بتاعة عادل إمام، نروح نسكن في حته فوق مطعم يقولوا المطعم بتاع عادل إمام، طول عمرنا متعودين على كده، الحمد لله احنا خدنا مناعة”.
وعن حقيقة إعلان الفنان عادل إمام إعتزال الفن، أكد المخرج رامي عادل إمام: ” أنه لا يوجد اعتزال في حياة والده: “لأ، مش اعتزال. طبعًا”.
وعن إمكانية عودة الفنان عادل إمام للظهور على وسائل الإعلام، قال: “والله طبعًا.. وجهة النظر بالنسبة له، هو عمل كل حاجة. فلو في أي دور، سأعرض عليه جديد تمامًا عن اللي عمله، طبعًا، يا ريت”.
اقرأ ايضا:
