أثار إعلان الفنان حمدي الوزير، ليك في الكيك الجدل بين رواد السوشيال ميديا، مما عرضه لـ حملة هجوم على صورة الإعلان.
ورد حمدي الوزير، على الهجوم الذي تعرض له قائلا: غمزة إيه وتحرش أيه، وبعدين الناس دي مالها، دا إعلان شركة حلويات وهينزل في التلفزيون كمان والشركة من حقها تنزل صورة، والصورة مفيهاش غمزة ولا حاجة وحتى لو فيها غمزة، هما مالهم، المشهد اللي في غمزة وريأكشن مختلف عن الصورة بتاعة الإعلان.
وأضاف حمدي: الصورة ملهاش علاقة بالتحرش ولا حاجة، دي ناس تعبانة في دماغها، ومريضة نفسية، وبعدين الإعلان مكتوب أنت ليك في الكيك هو له اسم تاني؟ معروفة أنه كيك الحلويات، والحكاية إن دي ناس متنمرة لأي حاجة كويسة.
وأوضح: الناس اللي بتقول إن عندنا بنات وأمهات بتمشي في الشوارع وإيه يعني لما يشموا؟ هو أنا بعمل حاجة في البنات ولا جيت جنبهم والعياذ بالله، والبنات دول أخواتنا، والصورة مفيهاش أي حاجة.
وتابع حمدي الوزير: الشركة المعلنة كانت عايزة تستخدم الصورة اللي فيها ريأكشن الغمزة بتاعة التحرش اللي في الفيلم وأنا رفضت، وقولتلهم ممنوع والناس استجابت بشياكة شديدة جدا، فالمنتقدين دول ناس مريضة جدا
