قام النجم طارق لطفي بطل مسلسل «العتاولة» والذي يعرض في موسم رمضان 2025 عبر قناة mbc مصر ومنصة شاهد بالرد على المخرج محمد سامي بعد بيانه أمس ضده بعد تصريحاته في برنامج «حبر سري».
طارق لطفي يرد على محمد سامي
وكتب النجم طارق لطفي عبر حسابه بموقع «فيس بوك»: «سم الله الرحمن الرحيم، وكُلُّهُمْ آتِيهِ يَوْمَ الْقِيَامَةِ فَرْدًا، صدق الله العظيم».
وقال المخرج محمد سامي في بيان رسمي: «ردًا على كلام طارق لطفي المنتشر اليومين دول أولًا طارق ممثل محترم وإنسان جميل واشتغل معايا مرتين، مرة في مسلسل «مع سبق الإصرار»، ومرة تانية في مسلسل«حكاية حياة»، وأعتقد الدورين كانوا مهمين ومحترمين جدًا وحقق فيهم نجاح مهم، بعدها عرضت عليه دور في مسلسل «كلام على ورق» وحصل خلاف إنتاجي على الأجر تقريبًا، وعلى مساحة الدور، وعمل الدور ساعتها الراحل الجميل الأستاذ حسين الإمام والكلام ده سنة 2014 يعني من 11 سنة».
محمد سامي: طارق لطفي طالع دلوقتي يقول أنه رفض يقدم دور «شاذ» وبدأ يتكلم عن المجتمع وخوفه على الجمهور
وأوضح المخرج محمد سامي: «فوجئت إن طارق لطفي طالع دلوقتي بيقول إنه رفض يقدم الدور لأنه كان دور واحد شاذ جنسيًا، وبدأ يتكلم عن المجتمع والناس وخوفه على الجمهور وكلام غريب جدًا بحالة من المبالغة والاسترسال لكسب ود الجمهور واللعب على الحالة الدينية والمتحفظة عند الجمهور العربي، ولكن فاته حاجة مهمة إنه بيتكلم عن دور في عمل مصور وموجود والناس تقدر تتفرج عليه، والدور مش دور شاذ ولا ليه علاقة بالشواذ!».
وتابع «سامي»: «مش فاهم طارق قال كده ليه واخترع الموضوع ده إزاي وكمان عمل حكاية غريبة جدًا أنا مش فاهمها، وإنه خاف على عيلته وأسرته وطلعني بروَّج لشئ غريب جدا، أنا أول مرة وسط عرض عمل ليا أسمح لحد ياخدني لموضوع جانبي ولكن كان لازم أرد، لأن لو طارق عنده عيلة فأنا كذلك».
وأضاف موجهًا حديثه للفنان طارق لطفي: «ومع احترامي ليك يا طارق كلامك مختلق وغير صحيح، والدور موجود ينفع الناس تشوفه، وكان حسين الإمام رحمة الله عليه طالع بيحب روجينا، وهي حبيبة عُمره وأنتيمه ماجد المصري وأحمد زاهر وأشرف زكي».
وأوضح «سامي» عن الدور الذي عرضه على طارق لطفي: «كان جدع مايع وصاحب كباريه وده اللي كان عاجبك في الدور وعملت معايا بروڤة أداء عليه وعلي مياعته وكان عاجبك، راجع نفسك يا صديقي قبل إلقاء قنابل تزعل زميلك منك، ومعلش إني رديت بالشكل ده ولكن لا بد من الرد للتوثيق، كلامك كان لازم يترد عليه وكل سنة وأنت طيب وأسرتك الكريمة بخير ولو أنت ترفض تقديم دور الشاذ فأنا قبلك أرفض أخرجه!».
بعيش قصة حب| أحمد العوضي يكشف مفاجأة عن عروسه الجديدة.. وهذا موعد زواجه
“مش خليعة”.. تصريح مفاجئ من هالة صدقي عن بدل رقص مي عمر
