رد هشام حلمي بكر، على منتقدي الجمهور له وعائلته، بسبب التقاط صورة جماعية بعد انتهاء عزاء والده الراحل.
وقال هشام حلمي بكر، خلال تصريحات صحفية: كون إن في عيلة بتحب بعض ده ميقللش من حزننا، والصورة اتاخدت بعد ساعة ونص من ختام العزاء، لأن جتلنا حالة من الارتياح بعد ضغط شديد بسبب دفن والدي بسرعة، غير إن عيلتنا نادر لما بتتجمع مع بعض في مكان واحد.
وتابع: الناس بتحزن بطرق مختلفة، ومينفعش نحكم على الناس من صورة ولا فيديو، وكان شيء محزن جدا اللي اتقال علينا.
وأضاف: واحنا أهو جينا مع بعض لوالدي النهاردة وصلينا الجمعة وفطرنا، وخلينا نقول إن بالصورة دي إحنا كدبنا كل الكلام بتاع إن إحنا مش قريبين من بعض ومش قريبين من والدي.
