ردت الفنانة هند عاكف، على اتهامات المنتجة ليلى الشبح باستالها على 2 مليون جنيه بالتعاون من الراحل بالتعاون مع زوجته.
وقالت هند عاكف، في تصريحات: مين دي علشان أرد عليها وأشهرها.. لا تعليق.
وكانت نشبت مشاجرة بين المنتجة ليلى الشبح، والفنانة هند عاكف، في عزاء الموسيقار حلمي بكر، المقام حاليًا في مسجد الحامدية الشاذلية بالمهندسين.
وسبق واتهمت المنتجة ليلى الشبح، سماح القرشي أرملة الموسيقار حلمي بكر، بتعذيبه، إذ قالت، عقب دفن الموسيقار: مراته كانت بتعذبه، وكان عنده برنامج في المدينة وسيد عمر المصور راح جابه وحجزته معاه وقفلت عليهما.. وعذبت حلمي وشتمت سيد عمر المصور بتاع المدينة.
وأضافت ليلى الشبح: مراته أساءت له وشتمته قدام سيد عمر، والمصور قالها طيب إنتي قصتك مع جوزك طلعيني من الشقة، راحت شتمته.. أنا مبتواصلش معاها خالص، وأنا زعلت وقولت لحلمي بكر بلاش ترجع لها؛ لأنها عذبته قبل كده، وجابتله بلطجية، وكانت بتولع السجاير وتحرقها في جسمه، ومكنش بيحبها وكان عايش معاها علشان بنته.
وتابعت: جابت بلطجية علشان تاخد الجثمان وتدفنه الساعة 10، واللي حصله ده مينفعش.. ده قيمة وقامة لينا كلنا ومينفعش مراته تعمل كده.
