حالة من الجدل الواسع، شهدتها مواقع التواصل الاجتماعي، الساعات الماضية، بعد واقعة طرد ريم طارق، زوجة الفنان حسن شاكوش من مسكن الزوجية، وتحريرها محضر ضده.
من جانبها، علقت الإعلامية مفيدة شيحة، على الأمر قائلة: “كنت ضدها من الأول لما سجدت في الفرح وقلت لها كلمتين بصي يا بنتي اللى أنتِ بتعمليه هيتحط لك في تقييم الأشياء بينك وبين جوزك والحركة اللي أنتِ عملتيها قللت منك وقللت من أهلك”.
رسالة مفيدة شيحة لزوجة حسن شاكوش
وتابعت شيحة خلال برنامج “الستات”: “اللي حصل في أزمة زوجة شاكوش بيعلمنا درس إن احنا داخلين بداية حياة جديدة مع شخص جديد إن القصة ما انتهتش عند فرحك ولكن بدأت من الفرح”.
وأضافت: “أنتِ اتجوزتِ بتحبي هذا الرجل ولكن دي بداية القصة بمعنى إنك لما تخشي لازم تحطي لنفسك قوانين وأسلوب حياة وإيه المفترض تعملوه مع بعض علشان ما ناخدش على قفانا بعد كدا واللهم لا شماتة وربنا يهدي سرهم”.
من جانبه، علق حسن شاكوش على الأمر في منشور عبر حسابه بموقع التواصل الاجتماعي، فيس بوك.
وكتب شاكوش: “مساء الفل عليكم جميعا يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل إيه”.
وتابع: “يمكن أهل بيتي وفريق عملي وأقرب الناس ليا أتاذوا من الحوار ده، بس بما إنها شاركت جمهوري بشئ جارح بالشكل ده كل اللي اقدر أقوله الحمد الله على نعمة السكوت والعقل وقت المشكلة الحمد الله على كل شئ.”
وكانت علقت ريم طارق، على واقعة تحريرها محضر ضده بسبب استيلائه على منقولاتها وشبكتها من خلال حسابها الشخصي بموقع تبادل الصور والفيديوهات انستجرام.
اقرأ ايضا:
أول رد من جورج وسوف على اعتزاله الفن بعد وفاة ابنه.. «فاجئ الجميع»
