كشفت مساعدة مخرج ندى منير، كواليس علاقة المساعدة بالفنانة دينا الشربيني، وذلك من خلال منشور دونتهل على حسابها الشخصي، عبر موقع تبادل الصور والفيديوهات إنستجرام.
وقالت ندى، خلال المنشور: “شهاده حق، دينا الشربيني معملتش محضر للذهب اللي مسروق ..المساعدة هي الي خلصت رزقها من الستر وراحت تبيعه والناس شكت لأن المسروقات مميزة وبلغت البوليس وقبضوا عليها”.
وتابعت: “في الوقت ده دينا كانت في دبي في بروجكت هناك كلموها من مكتب رئيس المباحث كان المحضر اتعمل وهي اعترفت بالسرقة فتحولت للنيابة، دينا قطعت سفرها لشغلها ورجعت امبارح علشان تطلعها من النيابة، وقالت بالكدب إنها اديتهم ليها علشان خاطر متتحبسش وراحت القسم بعديها علشان يطلعوها علشان تروح عزاء أمها الي ماتت من تصرفات بنتها”.
وأضافت: “للعلم قبضها في اليوم ٦،٥٠٠ جنيه بتقبضهم من الانتاج اللي حقيقي مفيش مخرج منفذ قبضه كده في اليوم يعني المساعده دي مش فقيرة ولا هي مظلومة هي انسانة طماعة وأذت دينا كتير جدا وكانت بتطلب حاجات علي اسمها من الإنتاج تحت مسمي الأستاذة عايزه كده وكل إنتاج مصر اللي اشتغل معاها عارف اللي بحكيه ده”.
وأشارت: ” كفاية بقي المتاجرة بالناس وكفاية بقي فكرة أصل علشان فقيرة وترديد الكلام زي الببغان، دينا قطعت سفرية شغلها وأنكرت سرقتها وهي المجني عليها علشان تنقذها من السجن دينا فضلت مصممة انهم يفرجوا عنها وطلعتها من القسم علشان تلحق عزاء أمها من واحدة حقيقي ظروفها متخليش توصل نفسها لده مفيش دكتور في مصر قبضه ٦.٥٠٠ جنيه في اليوم فهي مش فقيرة ومش غلبانة. الغلبانه حقيقي اللي معمول شوشره عليها ظلم من واحده سرقاها وهي الي أنقذتها من السجن وتنازلت عن حقها”.
اقرأ أيضًا: تحذير شديد اللهجة من محاولات بيع سبائك غير مطابقة للمواصفات.. اعرف العلامات
