كشفت روتانا ابنة الفنانة غادة عبد الرازق، محاولتها تطفيش عريس تقدم لها حتى تبقى بجانبها، وذلك خلال لقائها في برنامج “معكم” من تقديم منى الشاذلي عبر قناة ON.
وقالت روتانا: شخصيتها في لمسلسل تخوف، وحصلت معايا بس مخطفتش العريس، قعدته وكانت عايزة تطلع فيه أي غلطه زي مناخيرك صغيرة لا إنت قصير، مكنتش لاقيه فيه أي غلطه وعايزة تطلع فيه أي حاجة وخلاص.
لترد غادة عبد الرازق تعقيبا على حكاية ابنتها:” مش طفشته” وأكدت غادة أنها كانت تريد أن تبقى ابنتها بجانبها طوال الوقت حتى عندما تزوجت جعلتها تعيش بجوارها ثم انتقلت إلى الشقة المجاورة لها ثم جعلتها تعيش معها في نفس المنزل.
وأوضحت غادة عبد الرازق إنها كانت سعيدة جدا بزواج ابنتها وإنجابها سريعا وحصولها على لقب جدة في سن صغير قائلة: “أحلى حاجة أنا كان نفسي روتانا تخلف بدري علشان تفرح بأولادها وتعيش معاهم وهي بصحتها وتنبسط معاهم”.
وخلال اللقاء اعتذرت غادة عبد الرازق لابنتها روتانا بسبب انشغالها عنها بأعمالها في المراحل المبكرة من حياتها.
وقالت غادة عبد الرازق “أنا في الأول مكنتش الأم المثالية اللي كان نفسها تشوفها، زي ما أنا إتربيت مع أمي وأبويا، للأسف روتانا معاشتش المرحلة دي معايا، وأقول لها آسفة جدا ده تقصير مني غصب عني ودي مش حجة إني اهتميت بالشغل وبإني أوفر ليكي حاجات كتير، ومفكرتش إنك محتاجة وجودي وهو أهم من اللبس والمكياج والمدرسة والعربية”.
