بعد أن هدأت الأزمة بينهم وتخيلنا أن الصلح قد اقترب، زوجة حسن شاكوش قلبت عليه لمرة ثانيةو، قالت أنه خدع الكثير من البناتبالزواج في مصر وخارجها.
ياترى أيه الحكاية.. مين البنات دى اللى شاكوش خدعهم؟ .. وايه حكاية إنكاره لعلاقات زوجته السابقة ؟ .. كل ده واكتر هنعرفه مع بعض في التقرير التالي:
اللى بيحصل بين حسن شاكوش ومراته شكله مطول، الموضوع مش هيتحل بالسهل أبدا، كنا من شويه بنقول أن فيه مبادرات للصلح بينهم وفيه أعلامية كبيرة تدخلت في الموضوع عشان تصلح، بس للأسف شكل الصلح مش هيتم وشاكوش ومراته هيفضلوا كده، خناق وزعيق طول الوقت، ربنا يهديهم لنفسهم.
الأزمة دلوقتى ان ريم طارق زوجة حسن شاكوش الحالية بتقول أن شاكوش ليه علاقات كتير مع بنات كتير، مش سايب بره وجوه يعرف بنات، كتب في “ستورى” عندها من شويه أن حسن شاكوش ضحك على بنات كتير من بلدان مختلفة، يعنى مش من مصر بس، كل البنات دى حسن شاكوش كان معشمهم بالجواز وسابهم، لمحت يعنى أنه كان فيه علاقات شديدة مع كل البنات دى، أنتم فاهمين بقى العلاقات دى شكلها أيه.
المهم بالنسبه ليها بقى واللى عشانه كتبت الأستورى هو أن ازاى حسن شاكوش بيقول انه ماكنش يعرف أنها متجوزه قبل منه، ده على حسب كلامه قبل كده أنه هوا اللى مربيها على أيده، يعرفها من وهى صغيره ومتابعها، وكمان جارته وفى منطقة شعبية فا يعنى مليون في الميه كان عارف بجوازتها الأولى ويمكن كمان عارف سبب الإنفصال عن الزوج الأول ايه.
وهى دلوقتى بتقوله يا شكوش كفايه لحد كده كدب، أحترم نفسك و احترم جمهورك وبلاش كدب عليهم، وهما أصلا مش أغبياء دول أذكى ناس، ده كان كلام ريم طارق مش كلامنا أحنا، تمام.
وبعد ماريم كتبت الأستورى اللى انتم شفتوها دى طلعت في مداخلة على برنامج “الوسط الفني” ووصفت شاكوش أنه ابتلاء من ربنا سبحانه وتعالى، وهى صابره عليه ومحتسبه وكلها أمل أن ربنا سبحانه وتعالى يخرجها من الابتلاء ده على خير باذن الله.
ولمحت وسط كلامها أن حسن شاكوش مسلط عليها ناس أو فيه ناس من طرفه بيتصلوا بيها و بيبعتوا ليها رسائل كل شويه، وهى بسببهم مش قادرة خالص تمسك التليفون وزهقت منه، ونفسها الناس دى تهدى على نفسها شوية وتبطل تتصل بيها، لأن نفسيتها باظت منهم على الآخر.
وفى نهايه كلامها طالبت ريم طارق أن كل بنت داخله على جواز أو علاقة رسمية أنها تكون حذرة جدا وواثقة من اختيارها لأنه ممكن يكون سبب تعاستها لو لا قدر الله كان مش كويس.
لحد هنا ونكون وصلنا لنهاية الفيديو وحابين نعرف رأيكم في اللي قالته ريم طارق، وهوا الحذر في العلاقات الأسرية، وضرورة التأني في الاختيار .. اكتبوا رأيكم في التعليقات .
